Mazamure Maxaafaa 18:34 - Wolaytta Bible

³⁴ I ta kushiyaa olaa meezeyees; hegaa gishshau, taani ta qesiyan nahaasiyaa giyo birataa wonddafiyaa dafada dukkais.

Mazamure Maxaafaa 18:34 ပူးပေါင်းရင်းမြစ်များ

Sameela Maxaafaa Naa77anttuwaa 22:36

“Tana ashshiya ne gonddalliyaa neeni taayyo immadasa; ne lo77o ohettai tana gitayees.

Mazamure Maxaafaa 144:1

GODAI, ta wogga zaallai galatetto! I ta kushiyaa olau, ta biradhdhetakka toorau loohissees.

Mazamure Maxaafaa 46:9

I sa7aa gaxaa gakkanaassi de7iya olaa teqqees; wonddafiyaa menttees; tooraa kinchchees; gonddalliyaakka taman xuuggees.

Isiyaasa 28:6

I daannatussi likke pirddiyo ayyaana, olaa miixaappe zaariyaageetussikka wolqqa gidana.

Isiyaasa 45:1

GODAI tiyidoogau, kawotettata ayyo haarissana mala, kawotu gittaa birshshana malanne penggeekka ayyo a sinttan dooyettana mala, a ushachcha kushiyaa oiqqido Qiiroosau GODAI hagaadan yaagees;

Ermmaasa 49:35

Ubbaappe Wolqqaama GODAI hagaadan yaagees; “Elaamassi waanna wolqqa gidiya eta wonddafiyaasata taani worana.

Hoose7a 1:5

He gallassi taani Iziraa7eela Wombban Israa7eela olanchchata mentterettana” yaagiis.

Imbbaaqooma 3:19

Ubbaa Haariya GODAI tau wolqqa; ta tohuwaa gaaraa tohuwaadan minttees; taani xoqqa sohotun hemettanau tana danddayissees. (Yexxiyaageeta kaalettiyaagaa hassayissiyoobaa: ha mazamuree diixxiyoobaa diixxiiddi yexxiyo mazamure.)