Mazamure Maxaafaa 145:10 - Wolaytta Bible

¹⁰ Abeet GODAU, ne mereta ubbai nena galatana; ne asati ubbaikka nena sabbana.

Mazamure Maxaafaa 145:10 ပူးပေါင်းရင်းမြစ်များ

Mazamure Maxaafaa 103:22

Inttenoo, i haariyo soho ubban de7iya meretatoo, ubbaikka GODAA galatite! Tanooshsho, GODAA galata!

Mazamure Maxaafaa 104:24

Abeet GODAU, ne oosoi ai keena daroo! Ne aadhdhida eratettan neeni eta ubbaa medhdhadasa; sa7ai neeni medhdhidoban kumiis.

Mazamure Maxaafaa 149:5

Xoossaa asati bantta xoonuwan ufaittona; qamman ubban ufaissau yexxona.

Mazamure Maxaafaa 19:1

Saloti Xoossaa bonchchuwaa haasayoosonanne salotu gufanttoi i ba kushiyan oottidobaa awaajjees.

Mazamure Maxaafaa 22:23

Inttenoo, GODAASSI yayyiyaageetoo, a galatite. Inttenoo, Yaaqooba zerettatoo, ubbaikka a bonchchite. Inttenoo, Israa7eela zerettatoo, ubbatikka bonchchuwan ayyo yayyite.

Mazamure Maxaafaa 30:4

Inttenoo Xoossaa asatoo, GODAAYYO yexxite; a geeshsha sunttaakka galatite.

Mazamure Maxaafaa 30:5

A hanqqoi guutta wodiyaassa, shin a kehatettai de7o laitta ubbaassa. Qammi yeekiiddi aqikko, maalladoi ufaissa gidees.

Mazamure Maxaafaa 32:11

Inttenoo, xillotoo, GODAN ufaittitenne “Hashshu!” giite; inttenoo, wozanaa suuretoo, ufaissau yexxite.

Mazamure Maxaafaa 57:9

Abeet Godau, taani nena asaa giddon galatana; qassi kawotettaa giddon nena sabbana.

Mazamure Maxaafaa 68:26

Eti, “Xoossaa kunttida yaa7an galatite; inttenoo, Israa7eela zerettatoo, GODAA galatite” yaagoosona.

Mazamure Maxaafaa 69:35

Aissi giikko, Xoossai Xiyoone ashshana; Yihudaa katamaa zaaridi keexxana. Keexxin a asai yan de7ananne he biittai etassa gidana.

Mazamure Maxaafaa 97:12

Inttenoo xillotoo, GODAN ufaittite; a geeshsha sunttaa galatite.

Isiyaasa 44:23

Inttenoo salotoo, GODAI hagaa oottido gishshau, ufaissan yexxite. Inttenoo biittaa ciimmatoo, ililite. Inttenoo deretoo, woraunne a giddon de7iya mitta ubbau, mazamuriyaa kinchchite. Aissi giikko, GODAI Yaaqooba woziis; qassi Israa7eela giddonkka i bonchchettana.

Ibraawe 13:15

Simmi Xoossaayyo Yesuusa baggaara ubba wode galataa yarshshuwaa immoos; hegaa giyoogee menttershshai a sunttaayyo immiyo galataa giyoogaa.

Koiro PHeexiroosa 2:5

Inttekka qassi de7o shuchchadan, geeshsha qeese gididi, Yesuus Kiristtoosa baggaara Xoossaa ufaissiya ayyaanaa yarshshuwaa Xoossaayyo yarshshanau, intte intte huuphen ayyaana keettadan keexettite.

Koiro PHeexiroosa 2:9

SHin Xoossai xumaappe garamissiya ba poo7uwau inttena xeesiis; intte a ooratta oosuwaa yootanau doorettida zare; intte kawo qeeseta; geeshsha asanne Xoossaassi buzo asa.