Mazamure Maxaafaa 119:118 - Wolaytta Bible

¹¹⁸ Ne awaajjuwaappe wora biyaageeta ubbaa neeni ekkakka; eta cimoi coo hada.

Mazamure Maxaafaa 119:118 ပူးပေါင်းရင်းမြစ်များ

Mazamure Maxaafaa 119:10

Taani ta polo wozanaappe nena koyais; ne azazotuppe wora hemettennaadan tana naaga.

Mazamure Maxaafaa 119:21

Otorettiyaageeta, qanggettidaageeta, ne azazuwaappe wora hemettiyaageeta neeni seeraasa.

Mazamure Maxaafaa 119:29

Worddo ogiyaa taappe haassa; ne aaro kehatettan ne higgiyaa tana tamaarissa.

Mazamure Maxaafaa 78:57

Eti bantta aawatudan makkalanchchatanne kaddanchchata gididosona. Geella tooraadan wora wodhdhidosona.

Mazamure Maxaafaa 95:10

Taani he yeletaa oitamu laittaa shenetaas; 'Eti ubba wode bantta wozanan baliya asa; eti ta ogiyaa eribokkona' yaagaas.

Leemiso Maxaafaa 12:20

Iitaa qoppiyaageetu wozanan genee de7ees; shin sarobaa zorettiyaageetu wozanan ufaissai kumees.

Isiyaasa 25:10

Aissi giikko, GODAA kushee ashshanau ha deriyaa bollan gidana. SHin darccaa pito ollan yeggidi yedhdhiyoogaadan, Moo7aaba biittaa asai ba sohuwan yerettana.

Isiyaasa 44:20

I bidinttaa mees; a cimettida wozanai a wora kaalettiis. I ba shemppuwaa ashshanau woikko, “Ta ushachcha kushiyan de7iyaagee eeqappe attin, Xoossaa gidenna” gaanau danddayenna.

Isiyaasa 63:3

GODAI hagaadan yaagidi zaarana; “Woiniyaa gum77iyoosaa taani tarkka yedhdhaas; kawotettatuppe issi asinne tanaara baawa. Taani eta ta hanqquwan yedhdhaas; ta yiilluwankka eta dirxxerettaas. Eta suuttai ta maayuwaa bollan xacettin, ta maayoi ubbai moorettiis.

Milkkiyaasa 4:3

Taani oottiyo gallassi, nagaranchchati intte tohuwaappe garssa baggaara bidintta mala gidana; inttekka eta yedhdhana. Taani Ubbaappe Wolqqaama GODAI hagaa odais.

Luqaasa 21:24

Eti qara bisuwan qanxxettidi haiqqana; eti dere ubban omoodettana; Aihuda gidenna asai bantta wode polettana gakkanaashin, Yerusalaame katamaa yedhdhana.

Efisoona 4:22

Intte kase de7iyo de7uwaa aggite; qassi ba cimmiya amuwan xayiya intte ceega asatettaa xaissite.

Efisoona 5:6

Inttena ooninne pattenna haasayan cimmoppo; aissi giikko, hagaa gaasuwan Xoossaa hanqqoi azazettenna asaa bolli yaana.

Naa77antto Ximootiyoosa 3:13

SHin iita asatinne balettiyaageeti harata balettiiddinne bantta huuphiyau baliiddi, kaseppe iiti iiti boosona.

Koiro Yohaannisa 2:21

Tumaa intte eriyo gishshaunne qassi tuman worddoi aibinne bainnaagaa intte eriyo gishshau, taani intteyyo xaafaisippe attin, tumaa intte erenna gishshau xaafikke.

Ajjuutaa 14:20

Katamaappe gaxan de7iya woiniyaa aifiyaa gum77iyoosan woiniyaa aifee gum77ettiis. Suuttai kiyidi, he woiniyaa gum77iyoosaappe heezzu xeetu kilo meetire keenaa haakkidi, parau puuluwaa gakkiyaagaa keenaa deellidi xoqqu giis.

Ajjuutaa 18:23

Xomppiyaa poo7oikka naa77anttuwaa ne giddon poo7enna. Machchiyaagaa cenggurssainne bullashettiyaari cenggurssai sinttanau ne giddon siyettenna. Ne zal77anchchati sa7a ubban erettida wolqqaamata. Ne bitiyoogan asa zare ubbai cimettiis” yaagiis.