Mazamure Maxaafaa 103:20 - Wolaytta Bible

²⁰ Inttenoo, a kiitanchchatoo, a azazuwaa poliya wolqqaamatoo, i giyoobaa ezggiyaageetoo, GODAA galatite!

Mazamure Maxaafaa 103:20 ပူးပေါင်းရင်းမြစ်များ

Kawotu Maxaafaa Naa77anttuwaa 19:35

He gallassi qammi GODAA kiitanchchai kiyidi, Asoore asai dunkkaanidosan issi xeetanne hosppun tammanne ichchashu sha7u attumaasaa woriis. Yaatin asai maallado suuridi be7iyo wode, haiqqida asaa ahai hegan kumiis.

Mazamure Maxaafaa 148:2

Inttenoo, a kiitanchchatoo, ubbai a galatite. Saluwan de7iya a olanchchatoo, ubbai a galatite.

Mazamure Maxaafaa 148:5

Eti ubbati GODAA sunttaa galatona; aissi giikko, i azazin, eti ubbaikka merettidosona.

Mazamure Maxaafaa 29:1

Inttenoo saluwan de7iya meretatoo, GODAABAA yootite; “Bonchchoinne wolqqai GODAABAA” giidi yootite.

Mazamure Maxaafaa 78:25

Kiitanchchatu oittaa asai miis; Xoossai etassi qumaa darissidi immiis.

Isiyaasa 6:2

Suraafeela geetettiya kiitanchchati appe bollaara de7oosona; issi issi suraafeeliyau usuppun qefeti de7oosona; naa77u qefetun ba som77uwaa kammiis; naa77u qefetun ba tohuwaa kammiis; naa77u qefetun paalliis.

Daaneela 11:1

“Meedoona biittaa asa gidiya Daariyoosi kawotido koiro laittan, taani a maaddanaunne minttanau a miyyiyan eqqaas.

Yuu7eela 2:11

GODAI ba olanchchatu sinttan guummees; au azazettiya olanchchati coranne wolqqaama. GODAA gallassai gitanne daroppe yashshiyaagaa. He gallassaa danddayanai oonee?

Maatiyoosa 26:53

Ta Aawai daro sha7u kiitanchchata issi kuttan yeddidi, tana maaddana mala, taani a woossanau danddayiyoogaa erikkiiyye?

Maatiyoosa 6:10

Ne kawotettai yo; ne shenee saluwan hanidoogaadan, sa7ankka hano.

Luqaasa 1:19

Kiitanchchai zaarettidi yaagiis; “Taani Xoossaa sinttan eqqiya Gabreela; taani ne sinttan eqqada haasayanau, qassi ha mishiraachchuwaa neessi odanau, tana Xoossai neekko kiittiis.

Ibraawe 1:14

Kiitanchchati ubbai Xoossau oottanaunne atotettaa demmana asata maaddanau Xoossai kiittido ayyaanata gidokkonaayye?