3 Aissi giikko, ta laittai cuwaadan xayees; ta asatettaikka tamaa bonqquwaadan eexxees.
Ta gogai xiiximmidi, poqetti poqetti wodhdhees; ta bollaikka mishuwan xuugettees.
Cuwan kaqqido ogoruwaa gidada gunddaas; gidikkonne, ne awaajjuwaa balikke.
Ne sinttaa taappe genttoppa. Tana maaddidaagoo, tana ne ashkkaraa hanqqettada guyye zaaroppa. Abeet tana ashshiya Xoossau, tana oloppanne aggoppa.
Mishuwaa daruwan ta de7oi ciriis; ta laittatikka oolishin wuridosona. Metuwaa daruwan ta wolqqai hitiis; ta meqettatikka arggaacidosona.
Ee, neeni taayyo wogga zaallanne qato; ne sunttaa gishshau, neeni tana kaalettanne bessa.
SHin iita asati haiqqana. GODAA morkketi gam77enna dembbaa ciishshaa mala; eti cuwaadan xayana.
Neeni lanccido gishshau, ta bollai payyenna; ta nagaraa gishshau, ta asatettai sarenna.
GODAI bolla xoqqaappe tamaa duge yeddiis; he tamai ta meqettaa giddo geliis. Ta gediyaa oiqqanau piriyaa wottiis; tana guyye zaariis. I tana gallassa ubban labbanttidi, yeggi bayiis.
I ta galbbaanne ta ashuwaa ceegissiis; ta meqettaakka menttiis.
Wontto intte de7oi ai hananaakkonne erekketa; guutta wodiyau intte beettidi, guyyeppe xayiya cuwa mala.