Mazamure Maxaafaa 102:28 - Wolaytta Bible

²⁸ Nuuni ne ashkkarata; nu naati sarotettan de7ana. Eta zerettaikka ne sinttan minnidi eqqana.

Mazamure Maxaafaa 102:28 ပူးပေါင်းရင်းမြစ်များ

Iyyooba Maxaafaa 10:5

Ne de7o laittaikka asa de7o laittaa keenee?

Mazamure Maxaafaa 89:4

'Taani ne zerettaa merinaayyo kawoyana; ne kawotaa araataa yeleta ubbau minttana' yaagaas” yaagadasa.

Isiyaasa 41:4

Hagaa oottidaageenne polidaagee qassi yeletatakka koiroppe xeesidaagee oonee? Taani GODAI, koiroi, wurssettaageetuurakka de7iyaagee, taani a” yaagees.

Isiyaasa 43:13

Taani Xoossaa; xaphoppe doommadakka taani tanattennee. Ta kushiyaappe ooninne ashshenna; taani oottidoogaa laammanau danddayiyaabi baawa” yaagees.

Isiyaasa 53:10

SHin i qohettanaagee GODAA shene gidiis; qassi GODAI i tuggatanaadan oottiis. I bana nagarau yarshsho oottiyo wode, ba zerettaa be7ana. A bareekka aduqqana; GODAA sheneekka a kushiyan polettana.

Isiyaasa 65:22

Eti keexxin, harai de7enna; harai maanau tokkiyoobaa tokkokkona. Ta asaa laittai mittaa laittaadan aduqqana; qassi taani dooridoogeeti bantta adussa wodiyau bantta kushiyaa oosuwan ufaittana.

Isiyaasa 66:22

Qassikka GODAI hagaadan yaagees; “Taani medhdhiyo ooratta salotinne ooratta sa7ai ta sinttan minnidi de7iyoogaadan, hegaadankka, intte zerettainne intte sunttai minnidi de7ana.

Milkkiyaasa 3:6

Qassikka Ubbaappe Wolqqaama GODAI hagaadan yaagees; “Taani GODAI laamettikke; hegaa gishshau, inttenoo Yaaqooba zaretoo, intte xayibeekketa.

Zaarettido Wogaa 32:39

“'GODAI tanattenne. Ta xallai Xoossaa. Taappe attin, hara xoossi baawa. Woriyaagee, de7uwaakka immiyaagee tana; taani masunxxissada, taani pattana; ta kushiyaappe ooninne ashshenna.