Marqqoosa 9:21 - Wolaytta Bible

²¹ Yesuusi he na7aa aawaa, “Hagee ne na7aa oiqqoosappe woqqa wode gidanee?” yaagidi oichchiis. Oichchin, na7aa aawai, “I guuttan de7iyo wodeesappe doommiis.

Marqqoosa 9:21 ပူးပေါင်းရင်းမြစ်များ

Iyyooba Maxaafaa 14:1

“Maccaasappe yelettida asa baree qantta; hegaa keesaikka metuwan kumi uttiis.

Iyyooba Maxaafaa 5:7

Tamai piri wodhdhiyoogaadan, asi metuwau yelettiis.

Mazamure Maxaafaa 51:5

Taani yelettoosappekka tumu nagaranchcha; ta aayee uluwan biron attiyo wodeesappe doommadakka taani nagaranchcha.

Marqqoosa 5:25

Tammanne naa77u laittaasappe doommidi, i bollaappe suuttai goggiyo issi maccaasiyaa de7ausu.

Marqqoosa 9:20

Yaagin eti na7aa akko ehiidosona; he iita ayyaanai Yesuusa be7idosaarakka na7aa kokkorssi bayiis; na7ai sa7an kunddidi, doonaara hoommoi goppu giishin gonddorettiis.

Marqqoosa 9:22

A woranau daro wode tamaaninne haattan oliis; shin neeni danddayikko, nuuyyo qarettada nuna maaddarkkii” yaagiis.

Luqaasa 13:16

Hanna Abrahaama zariyaa tammanne hosppun laittaasappe Seexaanai qachchidoora qashuwaappe Sambbatan birshshettanau bessekkee?” yaagiis.

Luqaasa 8:43

Tammanne naa77u laittaasappe doommidi, i bollaappe suuttai goggiyo issi maccaasiyaa de7ausu. Aakimetussi qanxxaidda ba miishsha ubbaa wurssaasu; shin ooninne o pattanau danddayibeenna.

Yohaannisa 9:1

Yesuusi biiddi, yelettoosappe qooqe gididi de7iya issi bitaniyaa be7iis.

Yesuusi Kiittidoogeetu Oosuwaa 14:8

Ba aayee uluwaappe yelettoosappe doommidi, naa77u tohoi silin, mulekka hemettenna issi bitanee Lisxxiran de7ees.

Yesuusi Kiittidoogeetu Oosuwaa 3:2

Yelettoosappe doommidi, wobbe gididi de7iya issi bitanee Beeta Maqidasiyaa geliya asaappe miishshaa woossanau, ubba gallassi daro lo77o giyo Beeta Maqidasiyaa penggiyan wottiyoogee de7ees.

Yesuusi Kiittidoogeetu Oosuwaa 4:22

He harggiyaappe pattiyo malaatai oosettido bitanee yelettoosappe laittai au oitamaappe aadhdhiis.

Yesuusi Kiittidoogeetu Oosuwaa 9:33

Wodhdhidi hegan hosppun laittaasappe silidi, arssan zin77idi de7iya issi Eeniyaa giyo bitaniyaa demmiis.