Marqqoosa 8:31 - Wolaytta Bible

³¹ Yesuusi ba erissiyo ashkkarata, “Taani, Asa Na7ai, daro waayettanau bessees; cimati, qeese halaqatinne higgiyaa tamaarissiyaageeti tana ixxanau bessees; eti tana woranaunne, taani heezzantto gallassappe guyyiyan, haiquwaappe denddanaunne bessees” yaagidi tamaarissuwaa doommiis.

Marqqoosa 8:31 ပူးပေါင်းရင်းမြစ်များ

Mazamure Maxaafaa 118:22

Gimbbiyaageeti karidi ixxido shuchchai, godaa xaphuwaa minttiya, ubbaappe aadhdhiya shuchcha gidiis.

Isiyaasa 53:3

I asan karettiisinne ixettiis; i harggeppenne metoppe shaahetti erenna azzaniya asa gidiis. I asi a be7anaappe giidi, ba som77uwaa wora zaariyo asadan karettiis; nuunikka a bonchchibookko.

Hoose7a 6:2

Naa77u gallassaappe guyyiyan, i nuna pattana; heezzantto gallassi nuuni a sinttan de7ana mala, i nuna denttana.

Yoonaasa 1:17

Yoonaasa mittana mala, issi gita moliyaa GODAI giigissiis; giigissin he moliyaa uluwan Yoonaasi heezzu gallassaanne heezzu qammaa de7iis.

Maatiyoosa 12:40

Yoonaasi gita moliyaa uluwan heezzu gallassaanne heezzu qammaa de7idoogaadan, taani, Asa Na7aikka, biitta giddon heezzu gallassaanne heezzu qammaa de7ana.

Maatiyoosa 21:42

Yesuusi eta hagaadan yaagiis; “ ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis. Hagee Godai oottidobaa; qassi nu aifiyaukka garamissiyaabaa’ yaagiyaagaa Xoossaa maxaafaappe mulekka nabbabibeekketii?

Maatiyoosa 27:63

“Godau, he worddoi paxa de7iyo wode, ‘Taani heezzu gallassappe guyyiyan, haiquwaappe denddana’ yaagidoogaa nuuni hassayida.

Marqqoosa 12:10

“ ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis. Hagee Godai oottidobaa; qassi nu aifiyaukka garamissiyaabaa’ yaagiyaagaa Xoossaa maxaafaappe nabbabibeekketii?” yaagiis.

Luqaasa 17:25

SHin koiroora i daro waayiyaa ekkanaunne ha wodiyaa asan ixettanau bessees.

Luqaasa 24:26

I ha waayiyaa ekkanaunne ba bonchchuwaa bonchchettanau bessennee?” yaagiis.

Luqaasa 24:44

I eta, “Taani inttenaara de7aidda, ‘Muuse higgiyan, hananabaa yootiyaageetu maxaafaaninne Daawita mazamuriyaa maxaafan tabai xaafettidaagee ubbai polettanau bessees’ yaagada, inttessi yootido yohoi hagaa” yaagiis.

Yohaannisa 12:48

Tana ixxiya oonanne qassi ta qaalaa ekkenna oonanne pirddiyaagee de7ees. Taani yootido qaalai wurssettaa gallassi he uraa pirddana.

Yohaannisa 2:19

Yaagin Yesuusi, “Ha Beeta Maqidasiyaa qolite; taani heezzu gallassan zaarettada keexxana” yaagiis.

Yesuusi Kiittidoogeetu Oosuwaa 7:35

“He Muusa Israa7eelati; ‘Nena nuna haariyaagaanne daanna oottidi sunttidai oonee?’ yaagidi ixxidosona; ixxin buuraa giddon ayyo beettida kiitanchchan haariyaagaanne ashshiyaagaa gidana mala, Xoossai a kiittiis.

Koiro Qoronttoosa 15:4

Haiqqidi moogettiis. Xoossaa maxaafai giyoogaadankka, heezzantto gallassi haiquwaappe denddiis.

Sameela Maxaafaa Koiruwaa 10:19

SHin hachchi intte metuwaappenne waayiyaappe ubbaappe inttena ashshiya intte Xoossaa ixxideta; ixxidi, 'CHii! Nu bolli kawo kawoya' yaagideta. Hegaa gishshau, ha77i intte intte zariyaaninne intte yaran gididi, GODAA sintti aadhdhite” yaagiis.

Sameela Maxaafaa Koiruwaa 8:7

Woossin GODAI Sameela, “Asai nena giyo qaalaa ubbaa siya; aissi giikko, taani eta bolli kawotennaadan, eti tana ixxidosonappe attin, nena ixxibookkona.