Marqqoosa 7:22 - Wolaytta Bible

²² duretettaa amottiyoogaa, iitatettaa, geniyaa, amottiyoogaa, qanaatiyoogaa, cashshaa, ayyuwaa, azallatettaa.

Marqqoosa 7:22 ပူးပေါင်းရင်းမြစ်များ

Hanidabaa Odiya Naa77antto Maxaafaa 32:31

SHin Yihudaa biittan hanida maalaalissiya malaataabaa oichchanau Baabiloone haariyaageeti kiittido asati Hizqqiyaasakko yiido wode, GODAI a paaccanaunne a wozanan de7iyaabaa ubbaa eranau a yeddi bessiis.

Mazamure Maxaafaa 10:4

Iitai ba otoruwan Xoossaa koyenna; ba qofa ubbankka Xoossaa ainne wudenna.

Mazamure Maxaafaa 119:36

Ta wozanaa miishshaakko gidennan, neeni yootidobaakko zaara.

Leemiso Maxaafaa 12:23

Cincca asi ba eraa qottees; shin eeyyati bantta eeyyatettaa yootoosona.

Leemiso Maxaafaa 22:15

Na7a wozanaa azallatettai baqqi oiqqees; shin qaixaariyan qaxxayiyoogee appe haassees.

Leemiso Maxaafaa 23:6

Uuziyaa qumaa mooppa; a mal77o qumaakka maanau amottoppa.

Leemiso Maxaafaa 24:9

Eeyyatettaa qofai nagara; asai qilliicciyaagaa ixxees.

Leemiso Maxaafaa 27:22

Eeyya asa kattaara udulan yeggada, udula mittan caddiyaakko, appe eeyyatettai kichchenna.

Leemiso Maxaafaa 28:22

Uuzettiya urai duretanau jaamees; bana hiyyeesatetti oiqqanaagaakka erenna.

Eranchchaa Maxaafaa 7:25

Taani eranau, pilgga xeellanaunne aadhdhida eratettaanne yoho ubbaa wurssettaa eranau, qassi nagarai eeyyatetta gidiyoogaanne eeyyatettikka gooshsha gidiyoogaa eranau, ta wozanan yuushsha yuushshada qoppaas.

Isiyaasa 59:13

Nuuni makkalidi, GODAA kaddida; nu Xoossaa kaalliyoogaa aggidi, guyye simmida; sugettaanne geniyaa haasayida. Qassi nuuni shahaarido worddo qaalaa nu wozanaappe yelida.

Isiyaasa 59:7

Eta tohoti iitabaa oottanau woxxoosona; xilluwaa suuttaa gussanaukka jaamoosona. Eta qofai iita qofa. Eti biido soho ubban qohoinne bashshai de7ees.

Ermmaasa 17:9

“Asa wozani ubbabaappe aadhdhi cimmiyaabaanne keehi daro iita. A ooni eranau danddayii?

Maatiyoosa 20:15

Taani ta miishshan ta koyidobaa oottanau tau maati baawee? Woi taani keha gidido gishshau, neeni qanaatai?’ yaagiis.

Maatiyoosa 6:23

SHin ne aifee payya gidana xayikko, ne bolla ubbai xumana; simmi ne bolli de7iya poo7oi xumikko, xumai ai keenaa xumanddeeshsha!

Marqqoosa 7:21

Aissi giikko, asa wozana giddoppe kiyiyaabai iita qofa; shaaramuxanau qaaqqatiyoogaa, wuuqqiyoogaa, woriyoogaa, shaaramuxiyoogaa,

Marqqoosa 7:23

Ha iitabai ubbaikka asa wozana giddoppe kiyidi, asa tunissees” yaagiis.

Naa77antto Qoronttoosa 10:5

Nuuni asa qofa xaissoos; qassi Xoossaa eratettaa bolli denddidi xubbiya otoro qofa ubbaa laaloos. He qofa ubbai Kiristtoosayyo azazettana mala omooddoos.

Zaarettido Wogaa 15:9

'Acuwaa maariyo laappuntta laittai matiis' gaada, hiyyeesa Israa7eelaa iita aifiyan xeellada, ayyo aibanne tal77iyoogaa digganau iita qofai ne wozanan gelennaadan naagetta. Hegee xayikko, i neeppe GODAU waassana; hegee neeyyo nagara gidana.

Zaarettido Wogaa 28:54

Ne giddon harai atto kase injjiyan de7iis giyo asikka ba ishaassi, ba siiqiyo machcheessinne ba yelido naatussi qarettenna.

Zaarettido Wogaa 28:56

Ne giddon kase injjiyan de7aasu giyo, ba injjiyaappe denddidaagan sa7aa yedhdhanau shaatettiya maccaasiyaakka, ba siiqiyo azinaassi ba attumanne macca naatussi qarettukku.

Koiro PHeexiroosa 2:15

Aissi giikko, Xoossai intte intte lo77o oosuwan erenna eeyya asaa haasayaa co77u oottanaagaa koyees.

Koiro PHeexiroosa 5:5

Hegaadankka yelaga asatoo, cimatuyyo haarettite. Ubbaikka issoi issuwau oottanau intte huuphiyaa kaushshiyoogaa afaladan maayite. Aissi giikko, Xoossai otorettiyaageeta ixxees; shin banttana kaushshiyaageetuyyo aaro kehatettaa immees.