Marqqoosa 7:10 - Wolaytta Bible

¹⁰ Aissi giikko Muusee, ‘Ne aawaanne ne aayyiyo bonchcha.’ Qassi, ‘Ba aawaanne ba aayyiyo cayiyaagee haiqqo’ yaagiis.

Marqqoosa 7:10 ပူးပေါင်းရင်းမြစ်များ

Kessaabaa 20:12

“GODAI ne Xoossai neeyyo immiyo biittan ne baree aduqqana mala, ne aawaanne ne aayyiyo bonchcha.

Kessaabaa 21:17

“Ba aawaa woikko ba aayyiyo cayiyaagee haiqqo.

Leemiso Maxaafaa 20:20

Asi ba aawaa woikko ba aayyiyo cayikko, a de7uwaa xomppe sakkana xuman to7ana.

Leemiso Maxaafaa 30:17

Ba aawaa baceessiya na7aa aifiyaa, ba aayyiyaa cimin kariya na7aa aifiyaa, zanggaaran de7iya quuroti woocana; a ashuwaa ankkoti maana.

Wogaabaa 20:9

“'Ai asinne ba aawaa woikko ba aayyiyo cayikko haiqqo. I ba aawaa woikko ba aayyiyo cayido gishshau, a suuttaa acoi a bollaana.

Maatiyoosa 15:4

Aissi giikko Xoossai, ‘Ne aawaanne ne aayyiyo bonchcha’ qassi, ‘Ba aawaa woi ba aayyiyo cayiyaagee haiqqo’ yaagiis.

Marqqoosa 10:19

Xoossaa azazuwaa, ‘Woroppa; shaaramuxoppa; wuuqqoppa; wordduwaa markkattoppa; cimmoppa; ne aawaanne ne aayyiyo bonchcha’ yaagiyaagaa eraasa” yaagiis.

Zaarettido Wogaa 27:16

“'Ba aawaa woikko ba aayyiyo kaushshiya asi qanggettidaagaa gido' yaagin, asai ubbai, 'Amin77i!' yaago.

Zaarettido Wogaa 5:16

“'GODAI ne Xoossai neeyyo immiyo biittan ne baree aduqqana malanne neeyyo lo77ana mala, GODAI ne Xoossai nena azazidoogaadan, ne aawaanne ne aayyiyo bonchcha.