Marqqoosa 6:51 - Wolaytta Bible

⁵¹ Yesuusi etaara issippe wolwoluwan gelin, carkkoi woppu giis; gin eti daro garamettidosona.

Marqqoosa 6:51 ပူးပေါင်းရင်းမြစ်များ

Maatiyoosa 8:10

Yesuusi hegaa siyido wode garamettidi, bana kaalliya asaa hagaadan yaagiis; “Taani intteyyo tumaa odais; taani hagaa mala ammanuwaa harai atto, Israa7eela biittankka be7abeikke.

Marqqoosa 1:27

Asai ubbai garamettidi, “Hagee aibee? Ha bitanee ba alaafetettan harai atto, iita ayyaanatakka azazees; etikka qassi ayyo azazettoosona; hagee aiba ooratta timirttee?” yaagidi, ba giddon issoi issuwaa oichchiis.

Marqqoosa 2:12

Bitanee sohuwaara denddi eqqidi, ba halaa tookkidi, asai ubbai xeellishin biis; bin asai ubbai garamettidi, “Nuuni hagaa malabaa mulekka be7i erokko” yaagidi Xoossaa galatiis.

Marqqoosa 4:39

Yaagin i beegottidi gotiyaa, “Co77u ga” giidi abbaakka, “Woppu ga” giis; goteekka co77u gin, ubbabaikka woppu giis.

Marqqoosa 4:41

Eti daro yayyidi bantta giddon, “Hagee laa harai atto, goteenne abbai azazettiyoogee oonee?” yaagidosona.

Marqqoosa 5:42

Na7iyaa sohuwaarakka dendda eqqada hemetettaasu; a tammanne naa77u laitta na7a; hegee haniyoogan asai keehi daro garamettiis.

Marqqoosa 6:32

Yesuusinne eti banttarkka wolwoluwan uttidi, asi bainnasaa biidosona.

Marqqoosa 7:37

Hegaa siyida asai ubbai daro garamettidi, “Ubbabaakka i loitti oottees. Harai atto tulliyaakka sissees; qassi duudiyaakka haasayissees” yaagiis.

Yohaannisa 6:21

Eti wolwoluwan a gelissanau koyidosona; sohuwaarakka wolwoloi eti biyoosaa abbaa gaxaa gakki aggiis.