Marqqoosa 11:13 - Wolaytta Bible

¹³ Haahuwan issi balase giyo mittiyo tashiyaa maaya uttidaaro be7idi, geelladan i bolli aifee beettikkonne giidi, be7anau ikko biis; shin ikko i biyo wode, tashe xalaalaappe attin, ainne aife demmibeenna; aissi giikko, balasee aifiyo wodee gakkibeenna.

Marqqoosa 11:13 ပူးပေါင်းရင်းမြစ်များ

Isiyaasa 5:2

Biittaa bookkidi, shuchchaa qori kessidi, ubbaappe lo77iya woiniyaa turaa tokkiis. Tokkidi naagiyo shakkuwaa a giddon shakkiis; woiniyaa eessaa gum77iyoosaa woocidi giigissiis. Hegaappe guyyiyan, lo77o aifiyaa aifees yaagidi naagiis; shin caaliya aifiyaa aifiis.

Isiyaasa 5:7

Ubbaappe Wolqqaama GODAA woiniyaa turaa sohoi Israa7eela asaa. Yihudaa asai i ufaittiyo darkkuwaa. Eti suure pirddoosona giidi naagiis; shin suuttaa gussidosona. Xillotettaa oottoosona giidi naagiis; shin waaso gidiis.

Maatiyoosa 21:19

Ogiyaa doonan issi balase giyo mittiyo be7idi, ikko biis; biidi he balasen haitta xalaalappe attin, aife ainne demmibeenna; o, “Naa77anttuwaa merinaukka aifoppa” yaagin, he balasiyaa sohuwaara mela aggaasu.

Marqqoosa 11:12

Wonttetta gallassi eti Biitaaniyaappe kiyidi biishin, Yesuusi namisettiis.

Marqqoosa 11:14

Yesuusi he balasiyo, “Neeppe naa77antto merinau asi aife mooppo” yaagiis. Erissiyo ashkkarati i giyoogaa siyidosona.

Luqaasa 10:31

Issi qeesee qaadadan he ogiyaara biiddi, he bitaniyaa be7iis; be7idi a yeggi bayidi, harasaara aadhdhiis.

Uruti Maxaafaa 2:3

Yaagin Uruta baada, kattaa cakkiya asaa geeduwaappe poshiluwaa doommaasu. Qaadadan a poshiluwaa qoriyo gadee Elimeleeka dabbuwaa Boo7eeza gade.

Sameela Maxaafaa Koiruwaa 6:9

SHin i biyoosaa xeellite; i ba zawaa oiqqidi, Beeti-SHemeshi simmidi biyaabaa gidikko, ha gita boshaa nu bolli ehiidaagee GODAA; beennabaa gidikko, hagee nu bolli coo gakkiisippe attin, nuna dechchidai GODAA kushe gidennaagaa nuuni erana” yaagidi zaaridosona.