Maatiyoosa 9:38 - Wolaytta Bible

³⁸ Simmi kattaa Godai kattaa cakkanau oosanchcha yeddana mala, a woossite” yaagiis.

Maatiyoosa 9:38 ပူးပေါင်းရင်းမြစ်များ

Mazamure Maxaafaa 68:11

Godai kiitaa kiittiis; he kiitaa efiida maccaasati daro.

Mazamure Maxaafaa 68:18

Omoodettida darota ekkidi, i pude xoqqaa kiyiis. Asaappe, harai atto makkalanchcha asaappekka imuwaa ekkiis. GODAI Xoossai yan de7ana.

Ermmaasa 3:15

Hegaappe guyyiyan, taani ta wozanaadan, inttena heemmiya henttanchchata intteyyo immana. Eti inttena eratettaaninne akeekan heemmana” yaagees.

Mikiyaasa 5:7

Yaaqooba zaretu atettati daro dere asaa giddon GODAI kiittido akka malanne maataa bollan wodhdhiya diife mala gidana. Akkainne diifee yaanau asaa azazuwaa naagennaagaadan, Israa7eela asaikka GODAAPPE attin, asaa naagenna.

Maatiyoosa 9:37

Yaatidi ba erissiyo ashkkarata, “Kattai daro; shin cakkiya asai guutta.

Yohaannisa 20:21

Yesuusi naa77anttuwaakka etau, “Sarotettai intteyyo gido; ta Aawai tana kiittidoogaadan, taanikka inttena kiittais” yaagiis.

Yohaannisa 4:35

Intte, ‘Oiddu aginappe guyyiyan, kattai cakettana’ geekketiiyye? Taani intteyyo odais; goshshaa loitti xeellite; kattai cahaa bessiis.

Yesuusi Kiittidoogeetu Oosuwaa 13:2

Eti Godaassi goinnishiininne xoomishin, Geeshsha Ayyaanai, “Taani xeesido oosuwaassi Barnnaabaasanne Saa7oola tau kessite” yaagiis.

Yesuusi Kiittidoogeetu Oosuwaa 8:4

Laalettida ammaniyaageeti qaalaa yootiiddi, ubbasaa biidosona.

Koiro Qoronttoosa 12:28

Xoossai woosa keettan issi issi asata, koiruwan Yesuusi kiittidoogeeta, naa77anttuwan hananabaa yootiyaageeta, heezzanttuwan tamaarissiyaageeta, hegaappe guyyiyan, Xoossai oottiyo malaataa oottiyaageeta, hegaappe guyyiyan, pattiyo wolqqai de7iyoogeeta, maaddiyaageeta, woosa keettaa aissiyaageetanne, dumma dumma qaalan haasayiyaageeta oottiis.

Efisoona 4:11

Asaayyo imo immidaagee a; i issoota issoota Yesuusi kiittidoogeeta, harata hananabaa yootiyaageeta, qassi harata wonggeliyaa mishiraachchuwaa yootiyaageeta, qassikka harata woosa keettaa kaalettiyaageetanne tamaarissiyaageeta ootti sunttiis.

Naa77antto Tasalonqqe 3:1

Wurssettan nu ishatoo, Godaa qaalai intte giddon, eesuwan aakkanaadaaninne bonchchettanaadan, nuuyyo Xoossaa woossite.