Maatiyoosa 6:26 - Wolaytta Bible

²⁶ Paalliya kafota xeellite; eti zerokkona; cakkokkona; gootarankka qolokkona; shin saluwan de7iya intte Aawai eta mizees; intte etappe keehi aadhdhekketii?

Maatiyoosa 6:26 ပူးပေါင်းရင်းမြစ်များ

Doomettaabaa 6:21

Qassi neeninne nenaara de7iyaageeti maanau, dumma dumma qommo miyo kattaa efaada, markkabiyaa giddon qola” yaagiis.

Iyyooba Maxaafaa 38:41

Quuroti namisetti bichchaariyo wode, eta maratikka miyoobaa demmanau taayyo, Xoossaayyo, waassiyo wode, etayyo miyoobaa immiyai oonee?

Mazamure Maxaafaa 147:9

Mehetuyyoonne waassiya quuro maratuyyo miyoobaa i immees.

Mazamure Maxaafaa 50:11

Taani xoqqa deriyan de7iya kafota ubbaa erais; dembban de7iya meretettati taageeta.

Maatiyoosa 6:32

Aissi giikko, he ubbabaa Xoossaa ammanennaageeti darissidi koyoosona; he ubbai inttena koshshiyoogaa saluwan de7iya intte Aawai erees.

Maatiyoosa 7:9

Woi intte giddon ba na7i, ‘Oitta imma’ giikko, shuchcha immiya aawu de7ii?

Luqaasa 12:18

‘Taani waatanee giikko, ta gootaraa qolada, hara gitatiyaagaa gootarana; ta kattaanne tabaa ubbaa hegan wottana.