Maatiyoosa 5:22 - Wolaytta Bible

²² SHin taani intteyyo odais; ba ishaa hanqqettiya ubbai pirddettana; ba ishaa cayiya ubbai yaa7aa pirddau shiiqana; qassi ba ishaa, ‘Eeyyai’ giya ubbai gaannabiyaa tamaa pirddau shiiqana.

Maatiyoosa 5:22 ပူးပေါင်းရင်းမြစ်များ

Doomettaabaa 37:4

A ishantti bantta aawai a etappe aattidi siiqiyoogaa be7ido wode, eti a ixxidi, keha qaala ayyo haasayanau danddayibookkona.

Doomettaabaa 37:8

Yaagin a ishantti a, “Neeni nu bollan kawotana hanaiyye? Woikko nuna tumu haarana hanaiyye?” yaagidosona. Eti a aimuwaa gishshaunne a oduwaa gishshau, yaa darissidi ixxidosona.

Sameela Maxaafaa Naa77anttuwaa 16:7

SHim77i Daawita qanggiiddi, “Kichcha; kichcha! Ha suuttaa gussiyaagee! Ha pattennaagee!

Sameela Maxaafaa Naa77anttuwaa 6:20

Daawiti ba so asaa anjjanau soo simmido wode, Saa7oola na7iyaa Miikaala a mokkanau kiyada, “SHufuro asati kallo hemettiyoogaadan, hachchi Israa7eela kawoi ba ashkkaratu macca ashkkaratu sinttan kallottidi, aiba bonchchettidee!” yaagaasu.

Kawotu Maxaafaa Koiruwaa 21:4

Iziraa7eeliyaa Naabutee, “Taani ta aawatuppe laattido gadiyaa neeyyo immikke” giido gishshau, Akaabi yiillotidinne lanccidi ba soo biis. Biidi ba hiixan godaakko simmi zin77idi, qumaa meennan ixxiis.

Hanidabaa Odiya Naa77antto Maxaafaa 16:10

Yaagin Asi hananabaa yootiyaagaa bolli daro hanqqettiis; hanqqettidi qasho keettan yeggiis. Qassi Asi he wode asaappe amaridaagaa waissiis.

Hanidabaa Odiya Naa77antto Maxaafaa 19:5

Yihudaa biittan de7iya gimbbettida katamatu ubban daannata sunttiis.

Nahimiyaa Maxaafaa 5:8

SHiishshada hagaadan yaagaas; “Aihuda gidennaageetuyyo baizettida Aihuda zare gidiya nu ishantta wozanau nuuni nu wolqqai danddayidobaa ubbaa oottida. SHin intte qassi, intte ishantta gidiya Aihudati bantta zare gidiya inttessi banttana baizzana mala oottiiddi de7eeta” yaagaas. Yaagin kaalettiyaageetussi zaariyo qaali xayin, co77u yaagidosona.

Mazamure Maxaafaa 109:3

Eti ixo qaalaara tana dooddoosona; gaasoi bainnan tanaara ooyettoosona.

Mazamure Maxaafaa 14:1

Eeyyati bantta wozanan, “Xoossai baawa” yaagoosona. Eta de7oi moorettiis. Eti sheneyiyaabaa oottoosona; lo77iyaabaa oottiya asi baawa.

Mazamure Maxaafaa 25:3

Nenan ufaissaa oottiyaageeti yeellatokkona; shin gaasoi bainnan geniyaageeti yeellatana.

Mazamure Maxaafaa 35:19

Wordduwan tana morkkiyaageeti ufaittoppona; tana coo ixxiyaageeti ta bolli qim77otoppona.

Mazamure Maxaafaa 37:8

Hanqquwaa agga; yiilluwaappe teqetta. Yiillotoppa; aissi giikko, hegee metuwan yeggees.

Mazamure Maxaafaa 49:10

Eeyyatinne dammati haiqqiyoogaadan, aadhdhida eranchchatikka xayiyoogaanne bantta aquwaa haratussi yeggidi biyoogaa asai ubbai be7ees.

Mazamure Maxaafaa 69:4

Tana coo ixxiyaageeti ta huuphiyaa binnaanaappe daro. Wordduwan tana morkkiyaageetinne xaissanau koyiyaageeti daridosona. Taani mabeenna miishshaa tana qanxxissoosona.

Mazamure Maxaafaa 92:6

Eeyya asi eranau danddayenna; damma asikka akeekanau danddayenna.

Leemiso Maxaafaa 14:16

Aadhdhida eranchcha asi yayyees; iitaappekka haakkees; shin eeyyai banan ammanettidi otorettees.

Leemiso Maxaafaa 18:6

Eeyya asi ba haasayan ooshshaa denttees; a doonaappe kiyiya qaalai a warissees.

Ermmaasa 17:11

Xillenna ogiyaara duretiya asi babaa gidenna phuuphulliyaa qoxiya kuraachchee mala. I ba laittaa biron baggettishin, a aggidi xayana; wurssettan i eeyya gidana.

Ermmaasa Zilaassaa 3:52

Coo tana morkkiyaageeti tana kafuwaa shankkatiyoogaadan shankkatidosona.

Daaneela 3:13

Naabukadanaxoori hegaa siyido wode, hanqquwaa eexxi kiyidi, Sidiraaqa, Misaaqanne Abddanaaga ehaanaadan azaziis. Azazin eta kawuwaa sintti ehiidosona.

Daaneela 3:19

He wode Naabukadanaxoori Sidiraaqa, Misaaqanne Abddanaago bolli hanqquwaa suulliis; suullin a som77oi etau kaseegaappe dummatiis. Tamai kase eexxiyoogaappe laappun kushiyaa aadhdhidi eexxanaadan azaziis.

Abddiyyu 1:10

“Yaaqooba zare gidiya ne ishanttu bolli neeni oottido iitabaa gishshau, neeni yeellaa maayana; neeni merinau xayaagana.

Abddiyyu 1:12

Neeni ne ishai metootiyo gallassi a metuwan ufaittanau bessenna; qassi Yihudaa asaa bolli bashshai gakkiyo gallassikka hashshu gaanau bessenna. Ee, eta un77uwaa gallassi eta bolli miiccanaukka bessenna!

Maatiyoosa 10:17

SHin asappe naagettite. Aissi giikko, asi inttena pirdda keettau aattidi immana; qassi ba Aihuda woosa keettatunkka inttena lissuwan garafana.

Maatiyoosa 10:28

Ashuwaa woriyaageetuyyo yayyoppite; eti shemppuwaa woranau danddayokkona. SHin shemppuwaanne ashuwaa gaannabiyan xaissanau danddayiya Xoossaassi yayyite.

Maatiyoosa 12:24

SHin Parisaaweti hegaa siyidi, “Ha bitanee xalahetu halaqai Bi7eeli-Zeebuli baayyo wolqqaa immin, xalaheta kessees” yaagidosona.

Maatiyoosa 17:5

I haasayishin, poo7iya shaarai yinne eta gentti aggiis; genttin shaaraappe, “Hagee taani siiqiyo tana ufaissiya ta Na7aa; i giyoogaa siyite” giya qaalai yiis.

Maatiyoosa 18:21

PHeexiroosi he wode Yesuusakko yiidi, “Godau, ta ishai tana aapputoo naaqqikko taani ayyo atto gaanau bessii? Laappuntto gakkanaassi naaqqiineeyye?” yaagidi a oichchiis.

Maatiyoosa 18:35

“Intte huuphiyan huuphiyan intte ishau wozanappe atto gaana xayikko, he godai ba ashkkaraa oottidoogaadan, saluwan de7iya ta Aawaikka inttena hegaadan oottana” yaagiis.

Maatiyoosa 23:15

“Lo77o milatiya iitatoo, higgiyaa tamaarissiyaageetoonne Parisaawetoo intte issi uraa ammanttanau abbaaninne sa7an yuuyiyo gishshaunne qassi intte a ammanttiyo wode, he uraa intteegaappe naa77u kushe iitida gaannabiyau na7a oottiyo gishshau, intteyyo aayye7ana.

Maatiyoosa 23:33

“Ha shooshshatoo, shooshshaa naatoo, gaannabiyaa pirddaappe waanidi attuuteetii?

Maatiyoosa 25:41

“He wode, taappe haddirssa baggaara de7iyaageeta taani yaagana; ‘Ha qanggettidaageetoo, ta matappe kichchite; biidi xalahe halaqaayyoonne a kiitanchchatuyyo giigida merinaa taman gelite.

Maatiyoosa 26:59

Qeese halaqatinne yaa7aa asai ubbai Yesuusa woranau a bolli worddo markka demmanau koyidosona.

Maatiyoosa 3:17

qassi saluwaappe, “Taani siiqiyo ta Na7ai, tana ufaissiyaagee hagaa” yaagiya qaalai yiis.

Maatiyoosa 5:34

SHin taani intteyyo odais; mulekka caaqqoppite; saloi Xoossaa kawotaa araataa gidiyo gishshau, saluwan mulekka caaqqoppitenne;

Maatiyoosa 5:44

SHin taani intteyyo odais; saluwan de7iya intte Aawau naata gidana mala, intte morkketa siiqite; inttena qanggiyaageetakka anjjite; inttena ixxiyaageetuyyo lo77obaa oottite; inttena waissiyaageetuyyookka Xoossaa woossite; aissi giikko, iita asaukka lo77o asaukka Xoossai ba awaa awaxxissees; qassi xillotuyyookka nagaranchchatuyyookka ba iraa bukissees.

Marqqoosa 14:55

Qeese halaqatinne yaa7aa asai ubbai Yesuusa woranau a bolli markka koyidosona; shin ainne demmibookkona.

Marqqoosa 15:1

Maallado guuran sohuwaara qeese halaqati cimatuuranne higgiyaa tamaarissiyaageetuura yaa7aa asa ubbaara maqettidi, Yesuusa qachchidi efiidi, PHilaaxoosayyo aattidi immidosona.

Luqaasa 12:5

SHin intte oossi yayyanaakko, taani inttena erissana; woridoogaappe guyyiyan, gaannabiyan olanau wolqqai de7iyoogaassi yayyite; ee assi yayyite gais.

Luqaasa 22:66

Wonttin dere cimati, qeese halaqatinne higgiyaa tamaarissiyaageeti issisaa shiiqidi, Yesuusa bantta shiiqidosaa efiidi,

Yohaannisa 11:47

Hegaappe guyyiyan, qeese halaqatinne Parisaaweti yaa7aa shiishshidi, “Ha bitanee daro wolqqaama malaataa oottiyo gishshau, ai oottanee?

Yohaannisa 15:25

SHin eta higgiyan, ‘Tana coo ixxidosona’ geetettidi xaafettidaagee polettana mala, hagee haniis.

Yohaannisa 7:20

Asai zaaridi, “Nenan xalahee de7ees; nena woranau oonee koyidai?” yaagiis.

Yohaannisa 8:48

Aihudati zaaridi, “Nuuni nena, ‘Neeni Samaariyaa asa; nenan xalahee de7ees’ giidi mooridoo?” yaagidosona.

Yesuusi Kiittidoogeetu Oosuwaa 17:18

Qassi Eppiqoroosappenne Isxxo7ikiyaappe yiida issi issi eranchchati PHauloosaara palamettidosona; etappe issoi issoi, “Ha toofiinai ai haasayanau koyii?” yaagidosona. Harati PHauloosi Yesuusabaanne haiquwaappe i denddidoogaa banttassi yootiyo gishshau, “Ooratta xoossatubaa odiyaabaa milatees” yaagidosona.

Yesuusi Kiittidoogeetu Oosuwaa 22:30

Wonttetta gallassi shaalaqai, Aihudati PHauloosa aissi mootidaakkonne geeshshidi eranau koyidi, PHauloosa birshshiis. Birshshidi qeese halaqatinne yaa7ai ubbai shiiqana mala azaziis; qassi PHauloosa duge wottidi, eta sinttan essiis.

Yesuusi Kiittidoogeetu Oosuwaa 23:1

PHauloosi yaa7aa tishshi ootti xeellidi, “Ta ishatoo, taani hachchi gakkanaassikka Xoossaa sinttan ta de7o ubban lo77o zoriya wozanan de7aas” yaagiis.

Yesuusi Kiittidoogeetu Oosuwaa 24:20

Woi taani eta giddon eqqada, ‘Haiqqidaageeti denddanaagaa ammaniyo gishshau, hachchi intte sinttan ta bolli pirddoosona’ gaada ha xoqqissada haasayido issi qaaleeppe attin, yaa7aa sinttan eqqidaashin, tanan issi mooro demmidobaa gidikko, hageeti bantta huuphen hagan yootona” yaagiis.

Yesuusi Kiittidoogeetu Oosuwaa 4:15

SHin PHeexiroosinne Yohaannisi yaa7aappe kare kiyana mala asai azazidi, ba giddon zorettiiddi,

Yesuusi Kiittidoogeetu Oosuwaa 5:21

Yesuusi kiittidoogeeti hegaa siyido wode, guuraara Beeta Maqidasiyaa gelidi, tamaarissanau doommidosona. Qassi qeese ubbatu halaqainne aara de7iyaageeti yiidi, yaa7aanne Israa7eela cimata ubbata issippe xeegidi, Yesuusi kiittidoogeeta bantta sintti ehaana mala, wotaaddarata qasho keettau kiittidosona.

Yesuusi Kiittidoogeetu Oosuwaa 5:27

Eti Yesuusi kiittidoogeeta ehiidi, yaa7aa sinttan essin, qeese ubbatu halaqai eta,

Yesuusi Kiittidoogeetu Oosuwaa 6:12

SHammidi dere asaa, cimatanne higgiyaa tamaarissiyaageeta hanqetissidosona; Isxxifaanoosakko yiidi a oiqqidi, yaa7aakko ehin,

Yesuusi Kiittidoogeetu Oosuwaa 6:15

Yaa7an uttida asai ubbai Isxxifaanoosa akeekidi xeelliyo wode, a som77oi kiitanchchaa som77uwaa milatees.

Yesuusi Kiittidoogeetu Oosuwaa 7:37

“Israa7eela asaassi, ‘Xoossai tana denttidoogaadan, intte zariyaa giddoppe ta mala hananabaa yootiyaagaa intteyyo denttana’ yaagidai he Muusa.

Roome 12:10

issoi issuwaara ishanttudan siiqettite; issoi issuwaa bonchchiyoogan ufaittite;

Koiro Qoronttoosa 6:10

woi kaisoti woi miishshaa amottiyaageeti woi mattottiyaageeti woi cayiyaageeti woi bonqqiyaageeti Xoossaa kawotettaa laattokkona.

Koiro Qoronttoosa 6:6

SHin issi ishai hinkko ishaa pirdda keettan mootidi, he yohuwaa ammanenna asan pirddissii?

Zaarettido Wogaa 15:11

He biittan ubba wodekka hiyyeesi xayenna gishshau, taani nena Israa7eelatuyyo, ne biittan de7iya hiyyeesatuyyoonne metootanchchatuyyo keha gidanaadan azazais.

Zaarettido Wogaa 16:18

“Intte zaretu ubbaassi GODAI intte Xoossai immiyo katamatun ubban intte daannatanne halaqata sunttite; etikka asaassi xillo pirddaa pirddona.

Koiro Tasalonqqe 4:6

Nuuni qassi kase intteyyo yootidoogaadaaninne inttena mintti zoridoogaadan, Godai hagaa malaban ubban halo kessiyaagaa gidiyo gishshau, ooninne ha yohuwan ba ishaa naaqqanaunne cimmanau bessenna.

Ibraawe 12:25

Intteyyo yootiya uraa yohuwaa ezggiyoogaa intte ixxenna mala, inttena naagite. Xoossaa kiitaa sa7an banttau yootiyaagee yootiyoogaa ezggennan ixxidaageeti kessi ekkana xayikko, saluwan, “Inttena naagite” giya Xoossaappe nuuni waanidi kessi ekkanee?

Ibraawe 5:9

Yesuusi bali bainnaagaa gidido wode, bau azazettiya ubbau merinaa atotettaa demmanau gaaso gidiis.

Yaaqooba 2:20

Neeni eeyyai! Ammanoi oosuwaappe shaahettidi go77ennaagaa eranau koyai?

Yaaqooba 3:6

Inxxarssaikka tama mala. I nu asatettaa giddon iitabaa ubbaa oottana danddayees; asatetta ubbaa tunissees. Qassi nu de7uwaa wottaakka taman xuuggees; gaannabiyaa taman i xuugettana.

Koiro PHeexiroosa 2:23

Asi bana cayiyo wode, zaaridi cayibeenna; waayettiyo wodekka manddibeenna. SHin xillo pirddiya Xoossaayyo bana aattidi immiis.

Koiro PHeexiroosa 3:9

Iitaa gishshaa iitaa woi cashshaa gishshaa cashshaa zaaroppite; hegaa aggidi, Xoossai intteyyo anjjuwaa immanau inttena xeesido gishshau anjjite.

Koiro Yohaannisa 2:9

Poo7uwan de7ais giiddi, ba ishaa ixxiya ooninne hanno gakkanaassikka xuman de7ees.

Koiro Yohaannisa 3:10

Xoossaa naatu giddooninne xalahe halaqaa naatu giddon de7iya dummatettai hagan erettees; xillobaa oottenna urai woikko ba ishaa siiqenna urai ooninne Xoossaa Na7a gidenna.

Koiro Yohaannisa 5:16

Ooninne haiqoi bessenna nagara ba ishai oottishin be7ikko, Xoossaa woossanau bessees; haiqoi bessenna nagara oottidaageetuyyo Xoossai de7o immana. Haiqoi bessiyo nagari de7ees; taani inttena hegau Xoossaa woossite giikke.

Yihudaa 1:9

SHin kiitanchchatu halaqai Mikaa7eeli Muuse ahaabaa xalahe halaqaara palamettido wode, “Godai nena seero” giidoogaappe attin, cashsha qaalan a bolli pirddanau koyibeenna.

Ajjuutaa 20:14

Hegaappe guyyiyan, haiqoinne Si7oolee tama abban yegettidosona. He tama abbai naa77antto haiquwaa.