Maatiyoosa 27:14 - Wolaytta Bible

¹⁴ Yesuusi harai atto, issi qaalakka zaarennan ixxin, deriyaa haariyaagee daro garamettiis.

Maatiyoosa 27:14 ပူးပေါင်းရင်းမြစ်များ

Mazamure Maxaafaa 71:7

Neeni taayyo baqata attiyo wolqqaama soho gidido gishshau, ta de7oi daro asaayyo leemiso gidiis.

Isiyaasa 8:18

Tananne taayyo GODAI immido naata be7ite. Nuuni Xiyoone Deriyan de7iya Ubbaappe Wolqqaama GODAAPPE Israa7eelayyo malaatanne markka.

Zakkaariyaasa 3:8

“'Nenoo qeese ubbatu halaqau Yaasuu, hagaa siya! Sinttaara yaana kehabaassi malaata gidiya nenaara oottiyaageetikka hagaa siyona! Taani Tashe geetettiya ta ashkkaraa ehaana.

Maatiyoosa 26:63

SHin Yesuusi co77u giis; qassikka qeese ubbatu halaqai a, “Taani nena de7o Xoossaa sunttan callais; neeni Xoossaa Na7aa Kiristtoosa gidikko nuussi oda” yaagiis.

Maatiyoosa 27:12

Qeese halaqatinne dere cimati a mootin, etau ainne zaaro immibeenna.

Maatiyoosa 27:13

He wode, PHilaaxoosi Yesuusa, “Hageeti nena mootiyoobaa ubbaa siyikkii?” yaagiis.

Marqqoosa 15:5

SHin Yesuusi harabaa zaarennan ixxin, PHilaaxoosi garamettiis.

Luqaasa 23:9

Heeroodisi Yesuusa darobaa oichchiis; shin Yesuusi ayyo ainne zaaribeenna.

Yohaannisa 19:9

Qassikka PHilaaxoosi ba ooso keettaa simmi gelidi Yesuusa, “Neeni auppe yaadii?” yaagidi oichchiis; shin Yesuusi ayyo ainne zaaribeenna.

Koiro Qoronttoosa 4:9

Aissi giikko, taassi misatiyoogaadan, nuuni ha sa7aassi, kiitanchchatussinne asaassi kaa7iyoobaa gidido gishshau, Xoossai nuna Yesuusi kiittidoogeeta haiquwaassi pirddettida asatudan, ubbaappe wurssetta oottiis.