Maatiyoosa 24:35 - Wolaytta Bible

³⁵ Saloinne sa7ai aadhdhana; shin ta qaalai mulekka aadhdhenna.

Maatiyoosa 24:35 ပူးပေါင်းရင်းမြစ်များ

Mazamure Maxaafaa 102:26

Hegeeti ubbai xayana; shin neeni de7ana; eti ubbaikka afaladan wurana. Neeni eta curqqa afaladan laammana; etikka aadhdhana.

Mazamure Maxaafaa 119:89

Abeet GODAU, ne qaalai merinaagaa; inne saluwan minnidi de7ees.

Mazamure Maxaafaa 19:7

GODAA higgee suure; shemppuwaa zaarees. GODAI yootiyoogee ammanettiyaagaa; akeekai paccidoogeetussi eratettaa immees.

Mazamure Maxaafaa 89:34

Taani etaara maacettido maachchaa birshshikke; ta doonaappe kiyida qaalaa laammikke.

Leemiso Maxaafaa 30:5

Xoossai odiyo qaalai ubbai tuma; baakko baqatidi biya ubbaassi i gonddalle.

Isiyaasa 34:4

Saluwaa xoolintteti ubbai seerana; saloti woraqatadan xaaxettana. Eta xoolintteti ubbai woiniyaappe haittai qoqqofettiyoogaadan, balasiyaappe aifee qoqqofettiyoogaadan qoqqofettana.

Isiyaasa 40:8

Maatai melees; ciishshaikka qoqqofettees; shin nu Xoossaa qaalai merinau eqqidi de7ees” yaagada waassa.

Isiyaasa 51:6

Pude xoqqu giidi, salota xeellite; duge sa7aakka xeellite. Aissi giikko, saloti cuwaadan piskki giidi xayana; sa7aikka afaladan wurana; an de7iya asai ubbai udunxxetudan haiqqana. SHin ta ashettai merinau de7ana; ta xillotettaikka wurenna.

Isiyaasa 55:11

ta doonaappe kiyiya qaalaikka hegaa mala. I taani halchchidoogaa polana; qassi kiittidoogaa oottanaappe attin, taakko coo simmenna.

Daaneela 4:28

“Hagee ubbai Kawuwaa Naabukadanaxoora bolli gakkiis.

Qoodaabaa 23:19

Xoossai worddotanau asa gidenna; ba qofaa laammanau i asa na7a gidenna. I yootidi, ba yootidoogaa oottennee? Woikko i ba giidobaa polennee?

Maatiyoosa 5:18

Aissi giikko, taani intteyyo tumaa odais; saloinne sa7ai aadhdhana gakkanaassi, qassi ubbabaikka polettana gakkanaassi, higgiyaappe issi qaalaikka woi issi pitaleekka xayenna.

Marqqoosa 13:31

Saloinne sa7ai aadhdhana; shin ta qaalai mulekka aadhdhenna.

Luqaasa 21:33

Saloinne sa7ai aadhdhana; shin ta qaalai mulekka aadhdhenna.

Tiitu 1:2

Worddotenna Xoossai nuuyyo ha merinaa de7uwaa daro wodiyaappe kase immana giis.

Koiro PHeexiroosa 1:25

SHin Godaa qaalai merinau de7ees” yaagees. Hagee intteyyo odido wonggeliyaa mishiraachchuwaa qaalaa.

Ajjuutaa 20:11

Hegaappe guyyiyan, taani gita bootta araataanne he araatan uttidaagaa be7aas. Sa7ainne saloi a sinttappe baqatidosona; naa77antto beettibookkona.

Ajjuutaa 3:14

“Lodooqiyan de7iya woosa keettaa kiitanchchaayyo hagaadan yaagada xaafa; ‘Ammanettida tumanchcha markkai, Xoossai medhdhidobau koiroi, “Amin77i” giyoogee hagaadan yaagees.

Ajjuutaa 6:14

Saloi xaatta woraqatai xaaxettiyoogaadan, xaaxettidi xayi bayiis; dere ubbatinne haruuro ubbati bantta sohuwaappe kichchi aggidosona.