Maatiyoosa 24:29 - Wolaytta Bible

²⁹ “He wode waayiyaappe guyyiyan, sohuwaara awai xumana; aginai poo7iyoogaa aggi bayana; xoolintteti saluwaappe kunddana; qassi saluwan de7iya wolqqatikka qaaxettana.

Maatiyoosa 24:29 ပူးပေါင်းရင်းမြစ်များ

Eranchchaa Maxaafaa 12:2

awainne poo7oi, aginainne xoolinttee xumennan de7ishin, irai bukki aadhdhinkka shaarai haa simmennan de7ishin, nena Medhdhidaagaa qoppa.

Isiyaasa 13:10

Saluwaa xoolinttetinne xoolinttetu citati bantta poo7uwaa immennan ixxana; awa aifee mokkiiddi xumana; aginaikka poo7ennan aggana.

Isiyaasa 24:23

Hegaappe guyyiyan, aginaikka awaikka yeellatana. Aissi giikko, Ubbaappe Wolqqaama GODAI Xiyoone deriyaaninne Yerusalaamen kawotana; qassi i Yerusalaame cimatu sinttan ba bonchchuwaa qonccissana.

Isiyaasa 34:4

Saluwaa xoolintteti ubbai seerana; saloti woraqatadan xaaxettana. Eta xoolintteti ubbai woiniyaappe haittai qoqqofettiyoogaadan, balasiyaappe aifee qoqqofettiyoogaadan qoqqofettana.

Yuu7eela 2:10

Etappe sinttaara biittai qaaxxees; salotikka kokkoroosona. Awainne aginai xumoosona; qassi xoolinttetikka bantta poo7uwaa genttoosona.

Yuu7eela 3:15

He gallassi awainne aginai xumana; xoolinttetikka bantta poo7uwaa genttana.

Amoxa 5:20

GODAA gallassai xumappe attin, poo7o gidenna; sakkana xumappe attin, poo7o shori mulekka baawa!

Amoxa 8:9

Ubbaa Haariya GODAI hagaadan yaagees; “He gallassi taani awaa seeta gallassi wulissana; sa7aakka galla xumissana.

Maatiyoosa 24:21

aissi giikko, sa7ai merettoosappe hachchi gakkanaashin de7ibeennabainne qassi hagaappe sinttaukka mule de7enna iita waayee he wode de7ana.

Maatiyoosa 24:8

Hegee ubbaikka koiro leesso mala.

Naa77antto PHeexiroosa 3:10

SHin Godaa gallassai kaisodan yaana. He gallassi saloti wolqqaama gunttan xayana; saluwaa meretati wolqqaama mishuwan seerana; sa7ainne a bollan de7iya ubbabai xayana.

Ajjuutaa 8:12

Oiddantto kiitanchchai ba malkkataa punniis. Awaappe, aginaappenne xoolinttiyaappe heezzantto kushee deshettiis; eta poo7uwaappekka heezzantto kushee xumiis. Hegaa gishshau, gallassaappe heezzantto kushee, qammaappekka heezzantto kushee xumiis.