Maatiyoosa 19:17 - Wolaytta Bible

¹⁷ Yesuusi a, “Lo77obai aibakko tana aissi oichchai? Issuwaa xalaalai lo77o; shin neeni merinau de7anau koyikko, azazota naaga” yaagiis.

Maatiyoosa 19:17 ပူးပေါင်းရင်းမြစ်များ

Nahimiyaa Maxaafaa 9:29

“Ne higgiyaakko eti simmana mala, neeni etayyo minttada yootadasa; shin eti otorettidosona; ne azazuwaakka ixxisi yaagidosona. Asi azazettikko de7uwaa demmiyo ne higgiyaa kanttidosona; qassi morgge zozza gididi, neeyyo zokkuwaa zaaridi, azazettennan ixxidosona.

Mazamure Maxaafaa 119:68

Neeni keha; neeni kehabaa oottaasa; ne awaajjuwaa tana tamaarissa.

Mazamure Maxaafaa 52:1

Nenoo, wolqqaama bitaniyau, Xoossaa asatu bolli iitabaa oottiyoogan, gallassa ubban aissi ceeqettai?

Hizqqeela 20:21

“'“SHin he naatikka ta bollan makkalidosona; azazettiya asa ubbau de7uwaa immiya ta wogaadan hemettibookkona; ta higgiyaakka eti naagibookkona; ta Sambbataakka tunissidosona. Yaatin, taani bazzon ta hanqquwaa eta bolli gussanau, ta yiilluwaakka eta bolli wurssanau qoppaas.

Wogaabaa 18:5

Hegaa gishshau ta azazuwaanne ta wogaa naagikko, intte paxa de7ana. Taani GODAA.

Roome 10:5

Asi higgiyau azazettidi xilliyoobau Muusee, “Higgee azaziyoogaa oottiya ooninne he higgiyan paxa de7ana” yaagidi xaafiis;

Yaaqooba 1:17

Lo77o imo ubbainne kumetta woito ubbai saluwaappe yees. Saluwaa poo7uwaa medhdhida Xoossaappe yees; Xoossai ba huuphen dummatennanne woi mirqqidi xumissenna.

Koiro Yohaannisa 4:16

Xoossai nuna siiqiyoogaa nuuni nu huuphen eroosinne ammanoos. Xoossai siiqo. Siiquwan de7iya ooninne Xoossaa giddon de7ees; Xoossaikka a giddon de7ees.

Sameela Maxaafaa Koiruwaa 2:2

GODAA mala geeshshi issoinne baawa; a mali issoinne baawa. Nu Xoossaappe attin, hara attiyo wogga Zaalli baawa.