Maatiyoosa 15:23 - Wolaytta Bible

²³ SHin Yesuusi iyyo qaalanne qaattibeenna; erissiyo ashkkarati akko yiidi, “Ha mishiriyaa nu geeduwaa kaalla kaallada, ba qaalaa xoqqu oottada yootausu; hegaa gishshau, neeni o yeddarkkii” yaagidi woossidosona.

Maatiyoosa 15:23 ပူးပေါင်းရင်းမြစ်များ

Doomettaabaa 42:7

Yooseefi ba ishantta be7osaara eri bayiis; shin i eta erennabaadan harshshuushiis; i eta, “Intte awappe yiidetii?” yaagidi oichchiis. Oichchin eti, “Katta woommanau, Kanaane biittaappe yiida” yaagidosona.

Mazamure Maxaafaa 28:1

Abeet GODAU, ta wogga zaallau, taani nena xeesais; taani nena xeesin, taayyo tulloppa. Ne co77u giikko, taani duufuwaa biida asatu mala gidais.

Ermmaasa Zilaassaa 3:8

Taani a xeegaas; akko waassinkka, i ta woosaa siyennan ixxiis.

Maatiyoosa 14:15

Sa7ai omariyo wode, Yesuusi erissiyo ashkkarati Yesuusakko yiidi, “Hagee sohoi asi bainna soho; ha77i sa7aikka qammiichchiis; asai ubbai qeeri katamata biidi, bau qumaa shammana mala, asaa yedda” yaagidosona.

Maatiyoosa 15:22

Kanaane giyo biittaa maccaasa issinniyaa hegaappe Yesuusakko yaada, ba qaalaa xoqqu oottada, “Ta Godau, Daawita na7au, tana maararkkii; ta na7iyo xalahee pala ohetta oiqqiis” yaagaasu.

Maatiyoosa 15:24

Yesuusi zaaridi, “Taani bayida dorssau, Israa7eela asaa xalaalau kiitettaas” yaagiis.

Zaarettido Wogaa 8:2

GODAI ne Xoossai neeyyo immido azazuwaa ne naagiyaakko naagennaakko, ne wozanaa qofaa eranaayyo, nena paaccanaunne nena ziqqi oottanau, oitamu laittaa kumettaa i nena bazzuwan kaalettido oge ubbaa hassaya.