Leemiso Maxaafaa 6:29 - Wolaytta Bible

²⁹ Asa machcho laggettiya urai hegaakka mala; o bochchiya ubbai qaxxayettennan attenna.

Leemiso Maxaafaa 6:29 ပူးပေါင်းရင်းမြစ်များ

Doomettaabaa 20:2

Yan Abrahaami ba keettaayyiyo Saaro, “A ta michchiyo” yaagiis. Yaagin Garaara Kawoi Abimeleki kiittidi Saaro efiis.

Sameela Maxaafaa Naa77anttuwaa 11:27

A kayyottiyo wodee polettoogaappe guyyiyan, Daawiti o ba soo kiittidi ehiissiis. Ehiissin a ayyo machcho gidaasu; yaatada ayyo attuma na7aa yelaasu. SHin Daawiti oottido oosoi GODAA sinttan iitabaa gidiis.

Sameela Maxaafaa Naa77anttuwaa 16:21

Yaagin Akixoofeeli Abeselooma, “Kawo keettaa naaganau attida ne aawaa baakkotuura baada zin77a; neeni ne aawaa siiriyan xinqqidoogaa Israa7eela asai ubbai siyana; nenaara issippe de7iya ubbatu kushee hegan minnana” yaagiis.

Kessaabaa 20:17

“Ne shooruwaa keettaa amottoppa; ne shooruwaa keettaayyiyo, woikko a ashkkaraa, woikko a ashkkariyo, woikko a booraa, woikko a hariyaa, woikko ayyo de7iyaabaa aibanne amottoppa” yaagiis.

Leemiso Maxaafaa 16:5

GODAI otorettiya ubbaa shenetees; eti qaxxayettennan attokkona.

Leemiso Maxaafaa 6:28

Issi asi tamaa bonqquwaa yedhdhi hemettin, a tohoi xuugettennan attanee?

Hizqqeela 18:6

i deriyaa bolli de7iya eeqau goinniyo sohotun maana xayikko, i Israa7eela asaa eeqau goinnana xayikko, ba shooruwaa maccaasaa tunissana xayikko, qassi kushe qitai yiido maccaasaara zin77ana xayikko,

Hizqqeela 22:11

Ne giddon de7iyaageetuppe issooti issooti ba shooruwaa machcheera zin77oosona; ba na7aa machcheera zin77oosona; ba aawaa na7ee, ba michcheera zin77oosona.

Hizqqeela 33:26

Intte intte bisuwan ammanetteeta; intte tuna oosuwaa ootteeta; intte ubbaikka intte shooruwaa shooruwaa maccaasaa tunisseeta. Hegaa ubbaa oottiiddi, tumu intte biittaa laattuuteetii?” yaagees' yaaga.

Wogaabaa 18:20

“'Neeni tunennaadan ne shooruwaa keettaayeera zin77oppa.

Wogaabaa 20:10

“'Issi asi ba shooruwaa keettaayeera zin77ikko, he zin77ida bitaneenne mishiriyaa naa77aikka haiqqona.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Koiro Qoronttoosa 7:1

Intte taassi xaafido yohuwaassi asi maccaariira gaittennaagee lo77o.