Leemiso Maxaafaa 29:3 - Wolaytta Bible

³ Aadhdhida eraa dosiya asi ba aawaa ufaissees; shin shaaramuxa maccaasatu heeran yuuyiya asi ba miishshaa wurssees.

Leemiso Maxaafaa 29:3 ပူးပေါင်းရင်းမြစ်များ

Leemiso Maxaafaa 10:1

Hageeti Solomona leemisota. Aadhdhida eranchcha na7ai ba aawaa ufaissees; shin eeyya na7ai ba aayyiyo azzanissees.

Leemiso Maxaafaa 15:20

Eranchcha na7ai ba aawaa ufaissees; shin eeyya na7ai ba aayyiyo karees.

Leemiso Maxaafaa 21:17

Aaro injjiyan de7ana giya urai manqqees; woine eessanne zaite dosiya asi duretenna.

Leemiso Maxaafaa 21:20

Wozannaama uraa son mal77o qumainne oissai minjjettees; shin eeyya asi bau de7iyaabaa ubbaa mirggees.

Leemiso Maxaafaa 23:15

Ta na7au, neeni aadhdhida eranchcha gidikko, ta wozanaikka ufaittana;

Leemiso Maxaafaa 27:11

Ta na7au, neeni aadhdhida eranchcha gida. Yaatiyaakko taani ufaittananne tana boriyaageetu oishaakka zaarana.

Leemiso Maxaafaa 28:19

Ba gadiyaa oottiya urai kattaa kallees. SHin shufurota kaalliya urai ubbatoo hiyyeesidi de7ees.

Leemiso Maxaafaa 28:7

Higgiyaa naagiya wodallai akeekanchcha. SHin pattenna shufurotuura zuppetiyaagee ba aawaa yeellayees.

Leemiso Maxaafaa 6:26

Issi attumaasi issi oittaa immidi, shaaramuxa maaccaasa demmanau danddayees; shin azina machcho laggettiyoogee nena worissana.

Luqaasa 15:13

“Guutta gallassaappe guyyiyan, kaalo na7ai ba miishshaa ubbaa shiishshi ekkidi, haaho dere biis. Hegan miishshaa ohettaa mooridi, ba miishshaa laaliis.

Luqaasa 15:30

SHin hagee ne na7ai, ne miishshaa shaaramuxa maccaasan wurssidaagee yin, ayyo modhdho mirgguwaa shukkadasa’ yaagiis.