Leemiso Maxaafaa 29:24 - Wolaytta Bible

²⁴ Kaisoora shaakkiya uri bana ixxiya asa; i dabaaban tumaa odikkokka qaxxayettees; tumaa odana xayikko qassi, GODAI a qaxxayana.

Leemiso Maxaafaa 29:24 ပူးပေါင်းရင်းမြစ်များ

Leemiso Maxaafaa 15:32

Seeraa ixxiya asi bana qohees; shin seeraa ekkiya asi akeekaa demmees.

Leemiso Maxaafaa 20:2

Kawo hanqqoi gaammuwaa gudettaa mala; a yiilloyiya asi ba shemppuwaa bolli pirddees.

Leemiso Maxaafaa 6:32

SHin maccaasaara shaaramuxiya asi wozana paca; he urai ba shemppuwaa bashshees.

Leemiso Maxaafaa 8:36

SHin tana demmennan aggiya urai bana qohees; tana ixxiya ubbati, haiquwaa siiqoosona” yaagausu.

Isiyaasa 1:23

Intte daannati makkalanchchatanne kaisotu exata gididosona; eti ubbatikka mattaayiyaa dosoosonanne miishshaa yedettoosona; aawi bainnaageetussi pirddokkona; azini haiqqido maccaasatu mootoi etakko shiiqenna.

Wogaabaa 5:1

“'Ai asinne markkau xeesettidi ba be7idoogaa woikko ba eridoogaa gutaran markkattennan ixxikko, hegee ayyo nagara; hegaa gishshau i qaxxayetto.

Marqqoosa 11:17

Yesuusi asaa hagaadan yaagidi tamaarissiis; “Xoossaa maxaafan, ‘Ta keettai Aihuda gidenna asai ubbai Xoossaa woossiyo keetta geetettana’ yaagettidi xaafetti uttiis; shin intte a panggati qosettiyo gonggolo kessideta” yaagiis.

Daannatu Maxaafaa 17:2

Issi gallassi Miiki ba aayyiyo, “Neeppe issi asi issi sha7anne issi xeetu xaqara biraa wuuqqido wode, neeni he wuuqqida bitaniyaa qanggishin taani siyaas. Be7a, he miishshai ta achchan de7ees; taani ekkaas” yaagiis. Yaagin a aayyiyaa, “Ta na7au, nena GODAI anjjo” yaagaasu.

Sameela Maxaafaa Koiruwaa 20:2

Oichchin Yonaataani, “Hegee neeppe haakko! Neeni haiqqakka. Be7a, guuttabaa gidin, gitabaa gidin, ta aawai taayyo yootennan de7iiddi aibanne oottenna. Ta aawai ha yohuwaa taappe aissi qottii? Hegaatto gidenna!” yaagidi zaariis.