Leemiso Maxaafaa 16:24 - Wolaytta Bible

²⁴ Lo77o qaalai eessaa ililuwaadan mal77ees; bollaakka maaddeesinne pattees.

Leemiso Maxaafaa 16:24 ပူးပေါင်းရင်းမြစ်များ

Mazamure Maxaafaa 119:103

Ne qaalai aiba mal77ii! Eessaa ililuwaappekka aadhdhidi, ta manggaagan mal77ees.

Mazamure Maxaafaa 19:10

Worqqaappenne walahi bainna worqqaappe aadhdhidi dosettees; eessaappenne eessaa ililuwaappe aadhdhi mal77ees.

Leemiso Maxaafaa 12:18

Akeekennan haasayiyo haasayai cuphedan caddees; shin aadhdhida eranchchaa inxxarssai pattees.

Leemiso Maxaafaa 15:23

Oishettidobaassi likke zaaruwaa zaariyoogee he uraa ufaissees; haasayaa likke wodiyan haasayiyoogee aiba lo77obee!

Leemiso Maxaafaa 15:26

GODAI iitatu qofaa shenetees; shin geeshsha qaalai a ufaissees.

Leemiso Maxaafaa 17:22

Wozani ufaittiyoogee asassi lo77o xale; shin kayyottiyoogee asau wolqqaa xaissees.

Leemiso Maxaafaa 23:16

ne inxxarssai suurebaa haasayiyo wode, ta wozanai ufaittees.

Leemiso Maxaafaa 27:9

SHittoinne sawiya ixaani asaa ufaissiyoogaadan, siiqo laggiyaa zoreekka ufaissees.

Leemiso Maxaafaa 3:8

Hegee ne bollaa payya wottana; ne meqettaakka xallana.

Leemiso Maxaafaa 4:22

Aissi giikko, etabai geliyo asau ubbau eti de7uwaa immoosona; eta bollaukka payyatettaa immoosona.

Eranchchaa Maxaafaa 12:10

Eranchchai likke gidida qaalaa demmanau koyiis; hegaa gishshau, i xaafidobai sittanne tuma.

Siiquwaa Sabaa 4:11

Ta mishiree, ne menttershshaara eessaa ililoi xokkees. Ne doonaappe eessainne maattai pulttees; ne maayoi Liibaanoosa xiiddai sawiyoogaadan sawees.

Ermmaasa 15:16

Abeet GODAU, Ubbaappe Wolqqaama Xoossau, taani ne sunttan xeesettido gishshau, ne qaalai taakko yin maas. Min tana pashkkissiisinne ta wozanaa ufaissiis.

Zaarettido Wogaa 32:2

Ta timirttee iraadan bukko; ta qaalaikka akkaadan, purcco maataa bollan wodhdhiya nazziina iraadaaninne carshshaa bollan wodhdhiya diifiyaadan wodhdho.

Ajjuutaa 10:10

Yaagin, taani kiitanchchaa kushiyaappe he guutta xaatta woraqatiyo ekkada maas; ta doonan woraqatiyaa eessadan mal77aasu. SHin taani miidoogaappe guyyiyan, ta ulo giddoi cammiis.