Leemiso Maxaafaa 14:32 - Wolaytta Bible

³² Iitati bantta iita oosuwan kunddana; shin xilloti bantta suuretettan naagettana.

Leemiso Maxaafaa 14:32 ပူးပေါင်းရင်းမြစ်များ

Doomettaabaa 49:18

“Abeet GODAU, taani neeni ashshanau naagais.

Iyyooba Maxaafaa 13:15

Be7ite, Xoossai tana woriyaabaa gidikkonne, taani a danddayan naagana. Gidikkonne, taani ta mootuwaa a sintti shiishshana.

Iyyooba Maxaafaa 18:18

I poo7uwaappe xumau yedetettana; asai de7iyo biittaappekka i xayana.

Mazamure Maxaafaa 16:11

Neeni tana de7o ogiyaa bessaasa. Taani ne achchan de7in, ta ufaissai polettees; ne ushachcha baggaara ufaissai merinau de7ees.

Mazamure Maxaafaa 17:15

SHin taani xillotettan nena be7ana. Taani denddiyo wode, nena be7ada ufaittana.

Mazamure Maxaafaa 23:4

Neeni ta GODAI tanaara de7iyo gishshau, taani haiquwaa milatiya xumaa giddoora biikkokka, iitabau yayyikke. Ne gatimainne ne guufee tana minttettoosona.

Mazamure Maxaafaa 37:37

Ane lo77o asa akeeka; suure asa be7a; aissi giikko, saro asaassi sintta yeletai de7ana.

Mazamure Maxaafaa 58:9

Eti aguntta gididi daayanaappe kase, eti biron puutiyan de7ishin, i eta ba hanqquwan xaissana.

Mazamure Maxaafaa 73:24

Ne zoriyan tana kaalettaasa; hegaappe guyyiyan neeni tana bonchchuwaayyo efaana.

Leemiso Maxaafaa 11:5

Boree bainna uraa ogiyaa a xillotettai sittissees; shin iita urai ba iitatettan kunddees.

Leemiso Maxaafaa 14:33

Akeekanchcha asaa wozanan aadhdhida eratettai kumiis; shin eeyyati aadhdhida eratettaabaa aibanne erokkona.

Leemiso Maxaafaa 24:16

Xillo asi laapputoo kunddikkokka denddees; shin iitati metuwan xayana.

Leemiso Maxaafaa 5:22

Nagaranchchaa i oottido nagarai oiqqees. A nagaraa gitee a qachchees.

Leemiso Maxaafaa 6:15

Hegaa gaasuwan bashshai akeekennan a bolli yaana; i hassayennan meqqana; meqqidikka paxenna.

Luqaasa 2:29

“Ubbaa Haariya Godau, neeni asa ubbaa sinttan giigissido ne ashettaa taani ta aifiyan be7ido gishshau, ha77i ne qaalaadan, taani ne aillee sarotan haiqqana.

Yohaannisa 8:21

Qassikka Yesuusi eta, “Taani baana. Bin intte tana koyana; shin intte intte nagaran haiqqana. Taani biyoosaakka baanau intte danddayekketa” yaagiis.

Yohaannisa 8:24

Intte intte nagaran haiqqanaagaa taani intteyyo yootidoogee hegaassa; taani tana gidiyoogaa intte ammanana xayikko, intte intte nagaran haiqqana” yaagiis.

Roome 9:22

Xoossai oottidoogee hagaara issuwaa; i ba hanqquwaa bessanaunne ba wolqqaa erissanau koyiis; i ba hanqquwan pirddanaageeta, bashshanau giigi uttidoogeeta, daro genccan danddayiis.

Naa77antto Qoronttoosa 1:9

Nuuni nu bolli haiquwaa pirddai pirddettiis yaagidi qoppida; shin hegee hanidoogee haiqqida asaa haiquwaappe denttiya Xoossan nuuni ammanettanaappe attin, nu huuphen ammanettennan agganaassa.

Naa77antto Qoronttoosa 5:8

Nuna ammanttees; qassi ha asatettan nu keettaa aggi bayidi, Godaara issippe de7iyoogee nuna ufaissees.

Piliphphisiyuusa 1:21

Aissi giikko, tau de7oi Kiristtoosa; qassi haiqoikka tau go77a.

Piliphphisiyuusa 1:23

Taani ha naa77u yohotun tuggatais; ha de7uwaappe shaahettanaunne qassi Kiristtoosaara issippe de7anau amottais; Kiristtoosaara issippe de7iyoogee ubbaappe aadhdhida daro lo77obaa.

Koiro Tasalonqqe 5:3

Asai, “Ubbabai saro; aibikka hanenna” giishin, maccaasaa maaretai oiqqiyoogaadan, bashshai eti qoppennan eta bolli yaana. Eti mulekka kessi ekkokkona.

Naa77antto Ximootiyoosa 4:18

Godai tana iitabaa ubbaappe ashshidi, ba saluwaa kawotettaa sarotettan efaana; ayyo meri merinau bonchchoi gido. Amin77i.

Ajjuutaa 14:13

Hegaappe guyyiyan saluwaappe, “Hagaa xaafa; hagaappe sinttau Godan haiqqiyaageeti anjjettidaageeta” yaagiya cenggurssaa taani siyaas. Ayyaanai, “Tuma; eti bantta daafuraappe shemppana; aissi giikko, eta oosoi eta kaallana” yaagees.