Leemiso Maxaafaa 14:30 - Wolaytta Bible

³⁰ Woppu giida wozanai bollaa payya wottees; shin qanaatee bollau ajaajje harggiyaa mala.

Leemiso Maxaafaa 14:30 ပူးပေါင်းရင်းမြစ်များ

Kawotu Maxaafaa Koiruwaa 21:6

Oichchin Akaabi iyyo, “Iziraa7eeliyaa Naabuta taani, 'Ne woiniyaa turaa sohuwaa taayyo baizza; woikko ne dosikko, a gishshaa taani neeyyo hara woiniyaa turaa sohuwaa immana' yaagin, i, 'Ta woiniyaa sohuwaa neeyyo immikke' yaagiis. Taani hegaa gishshau yiillotaas” yaagiis.

Iyyooba Maxaafaa 5:2

Eeyya uraa lanccee worees; akeekai paccido uraakka qanaatee xaissees.

Mazamure Maxaafaa 112:10

Iita asi hegaa be7idi yiillotees; achchaa garccidi, coo xayees. Iita asa amoi coo attana.

Mazamure Maxaafaa 119:80

Taani yeellatenna mala, ne awaajjuwaassi azazettiyoogan boree bainnaagaa gidarkkinaa!

Leemiso Maxaafaa 12:4

Wozannaama maccaasiyaa ba keettaawau kallachcha mala; shin ba keettaawaa kaushshiya maccaasiyaa a meqettaa miya ajaajje mala.

Leemiso Maxaafaa 15:13

Wozanai ufaittin, som77oi poo7ees; shin wozani azzanikko, he aawu siiddees.

Leemiso Maxaafaa 17:22

Wozani ufaittiyoogee asassi lo77o xale; shin kayyottiyoogee asau wolqqaa xaissees.

Leemiso Maxaafaa 3:8

Hegee ne bollaa payya wottana; ne meqettaakka xallana.

Leemiso Maxaafaa 4:23

Ubbabaappekka ne wozanaa minttada naaga; aissi giikko, de7oi appe pulttees.

Imbbaaqooma 3:16

Taani hagaa ubbaa siyin, ta bollai gajigajiis; ta menttershshai kokkoriis; ta meqettaikka kokkoriis; ta tohotikka qassi gunddidosona. Nuna tuggayiyaageeta GODAI qaxxayana gakkanaashin, metuwaa gallassaa taani danddayan naagana.

Yesuusi Kiittidoogeetu Oosuwaa 7:9

“Aawatu halaqati Yooseefa qanaatidi, Gibxxe biittaassi ailletanaadan, a baizzidosona; baizzinkka Xoossai aara issippe de7ees.

Roome 1:29

Etan geellatettai, iitatettai, yiiqeenne iita hanotai kumiis; qassi etan qanaatee, shemppo woriyo qofai, palami, cimoinne iita qofai kumiis; qassi eti soqiyaageeta,

Naa77antto Ximootiyoosa 1:7

Aissi giikko, Xoossai nuuyyo wolqqaa, siiquwaanne nu huuphiyaa naagiyoogaa immiya Geeshsha Ayyaanaa immiisippe attin, yashsha ayyaanaa immibeenna.

Yaaqooba 4:5

Woi Xoossaa maxaafai, “Xoossai nunan wottido Ayyaanai wolqqaama amuwaa amottees” giyoogaa intteyyo coo giyoobaa milatii?