Leemiso Maxaafaa 12:13 - Wolaytta Bible

¹³ Iita asa a doonaappe kiyida haasayai pire gididi oiqqees; shin xilloi metuwaappe kessi ekkees.

Leemiso Maxaafaa 12:13 ပူးပေါင်းရင်းမြစ်များ

Doomettaabaa 48:16

iitabaa ubbaappe tana ashshida kiitanchchai, ha naata anjjo. Ta sunttainne ta aawatu Abrahaamanne Yisaaqa sunttai etan xeesetto. Eti sa7aa bollan corattona” yaagidi anjjiis.

Sameela Maxaafaa Naa77anttuwaa 4:9

SHin Ba7erootiyaa Rimmoona naata Rekaabanne a ishaa Ba7aana Daawiti hagaadan yaagiis; “Meto ubbaappe tana ashshida GODAI ero!

Kawotu Maxaafaa Koiruwaa 2:23

Yaagidi Kawoi Solomoni GODAN caaqqidi, “Adoonee hagaa oichchido gishshau taani a worana xayikko, GODAI tana woro!

Mazamure Maxaafaa 34:19

Xillo asa metoi daro; shin GODAI a he ubbaappe ashshees.

Mazamure Maxaafaa 34:20

GODAI a mintti naagiyo gishshau, a meqettaappe issoinne meqqenna.

Mazamure Maxaafaa 5:6

Wordduwaa haasayiyaageetanne neeni xaissaasa. Suuttaa gussiyaageetanne cimmiya asata GODAI shenetees.

Mazamure Maxaafaa 59:12

Eti bantta doonaa nagaraa gishshaunne bantta inxxarssaa qaalaa gishshau, bantta otoruwan oiqqettona. Eta qanggettaa gishshaunne eti haasayiyo wordduwaa gishshau,

Mazamure Maxaafaa 59:13

ne hanqquwan eta xaissa. Xoossai Yaaqooba zareta haariyoogaanne sa7aa gaxaa gakkanaassi de7iya biittaa haariyoogaa asai erana mala, eta mulekka attennaadan xaissa.

Mazamure Maxaafaa 64:8

Eta maqquwaa gishshau, i eta xaissana; eta be7iya ubbai huuphiyaa qaattana.

Leemiso Maxaafaa 10:8

Aadhdhida eranchchati azazidobaa oottoosona; shin eeyyatettan coo biddiyaageeti bashshau boosona.

Leemiso Maxaafaa 11:8

Xilloi metuwaappe attees; a gishshaa iitaa bolli metoi yees.

Leemiso Maxaafaa 15:2

Aadhdhida eranchchaa inxxarssai eraa puulayees; shin eeyyatu doonai eeyyatettaa xuuqqees.

Leemiso Maxaafaa 18:21

Neeni haasayidoogee nena wottees woikko worees; hegaa gishshau, neeni ne haasayaa gaasuwan yiyaabaa ekkanau de7aasa.

Leemiso Maxaafaa 21:23

Ba doonaanne ba inxxarssaa naagiya asi bana metuwaappe naagees.

Leemiso Maxaafaa 6:2

neeni geppido gefaa gitiyan gelidabaa gidikko, ne doonaappe kiyida qaalan oiqettidabaa gidikko,

Eranchchaa Maxaafaa 7:18

Ha ubbankka Xoossaassi yayyiya urai, meto ubbaappe xoonuwan kiyanau danddayiyo gishshau, neeni daro iita woikko daro xillonne gidennan giddo asa gida.

Daaneela 6:24

Hegaappe guyyiyan, Daaneela mootida asata ehaanaadan kawoi azaziis. Azazin eti oiqettidi, bantta maccaasaaranne bantta naatuura issippe yiidi, ubbaikka gaammuwaa ollan olettidosona. Eti ollaa duge gakkennan de7ishin, gaammoti sophi ekkidi, eta meqettaa mentteretti aggidosona.

Maatiyoosa 27:25

SHiiqida asai ubbai zaaridi, “A suuttaa gomee nunanne nu naata gakko” yaagiis.

Naa77antto PHeexiroosa 2:9

Hegaa gidikko, Godai Xoossau goinniya asata paaciyaappe waati ashshanaakko erees; nagaranchchata qassi ubbaappe aattidi, tuna amuwan ashuwaa amuwaa kaalliyaageetanne qassi Xoossaa wolqqaa kariyaageeta, pirddaa gallassai gakkanaassi Godai qaxxayiiddi wottanaagaakka erees. Wordduwaa tamaarissiya hegeeti xalanne otoranchcha gididoogan, bollan de7iya bonchcho meretaa cayoosonappe attin, bonchchokkona.