Koiro Yohaannisa 5:21 - Wolaytta Bible

²¹ Ta naatoo, eeqatuppe intte huuphiyaa naagite.

Koiro Yohaannisa 5:21 ပူးပေါင်းရင်းမြစ်များ

Maatiyoosa 6:13

Nuna iitabaappe ashshanaappe attin, paacen gelissoppa. Kawotettai, wolqqainne bonchchoi merinaukka neessa. Amin77i’ yaagite.

Koiro Qoronttoosa 10:14

Hegaa gishshau, ta siiqotoo, eeqassi goinniyoogaappe baqatite.

Koiro Qoronttoosa 10:7

Xoossaa maxaafai, “Asai maanaunne uyanau uttiis; qassi duranau denddi eqqiis” yaagiyoogaadan, qassi etappe issooti issooti eeqassi goinnidoogaadan, intte goinniyaageeta gidoppite.

Koiro Tasalonqqe 1:9

Aissi giikko, nuuni inttekko biido wode, intte nuna waati mokkidaakkonne qassi intte intte eeqaa aggidi, worddotenna de7o Xoossaayyo oottanau waani simmidaakko, eti bantta huuphen haasayoosona.

Koiro Yohaannisa 2:1

Ta naatoo, nagara intte oottennaadan, taani hagaa intteyyo xaafais; shin ooninne nagara oottikko, Aawaa matan nuuyyo gaannatiya Yesuus Kiristtoosi, Xilloi, de7ees.

Ajjuutaa 14:11

Eta paxa kaa7iya tamaa cuwai meri merinau cuwattana. Do7aayyoonne he do7aa misiliyaayyo goinniya ooyyoonne qassi he do7aa sunttaa malaataara de7iya ooyyoonne qamminne gallassi shemppoi baawa” yaagiis.

Ajjuutaa 9:20

Ha boshatun haiqqennan attida asai ba kushiyan oottidobaa aggibeenna. Qassi worqqaappe, biraappe, nahaase giyo birataappenne shuchchaappe oosettida, xeellanau woi siyanau woi hemettanau danddayenna eeqaassinne xalahiyaassi goinniyoogaakka aggibeenna.