Koiro Yohaannisa 5:14 - Wolaytta Bible

¹⁴ Xoossai koyiyoogaadan, ainne nuuni a woossikko, i siyiyoogaa nuuni eriyo gishshau, a sinttan yayyokko.

Koiro Yohaannisa 5:14 ပူးပေါင်းရင်းမြစ်များ

Kawotu Maxaafaa Koiruwaa 3:12

neeni oichchidoogaa taani oottana. Be7a, neeppe kase ne mali bainnaagaadan neeppe simminkka ne mali denddennaagaadan, aadhdhida eratettaanne akeeka wozanaa taani neeyyo immana.

Iyyooba Maxaafaa 34:28

Eti hiyyeesata huqqunnidi, eta Xoossaakko waassanaadan oottidosona; oottin Xoossai hiyyeesatu waasuwaa siyiis.

Mazamure Maxaafaa 145:19

I baayyo yayyiyaageetu ubbaayyo amuwaa kunttees. Qassi i eta waasuwaa siyidi, eta ashshees.

Mazamure Maxaafaa 31:22

Taani dagammada, “Taani ne sinttaappe kichchaas” yaagaas. SHin tana maaddana mala, nena xeesido wode, ta watiwatuwaa neeni siyadasa.

Mazamure Maxaafaa 34:17

Xilloti waassoosona; waassin GODAI eta waasuwaa siyees. I eta meto ubbaappe ashshees.

Mazamure Maxaafaa 69:33

Aissi giikko, GODAI hiyyeesatuyyo siyees; qasho keettan de7iya ba asaakka karenna.

Leemiso Maxaafaa 10:24

Iita urai hirggidobai a bolli gakkana; shin xilloi amottidobai imettana.

Leemiso Maxaafaa 15:29

GODAI iitatuppe haakkees; shin xillotu woosaa siyees.

Ermmaasa 33:3

“Neeni tana xeesa; taani neeyyo koyana; neeni erenna gitabaanne wolqqaamabaa taani neeyyo yootana.

Maatiyoosa 21:22

intte ammanidi Xoossaa woossiyoobaa aiba gidikkokka ekkana” yaagiis.

Yohaannisa 11:42

Neeni ubba wode siyiyoogaa taani erais; shin hagan yuuyi aadhdhidi eqqida asai neeni tana kiittidoogaa ammanana mala, hagaa taani eta gishshau gais” yaagiis.

Yohaannisa 14:13

Aawai Na7aa baggaara, ta baggaara bonchchettana mala, ta sunttan intte woossiyo ubbabaa taani intteyyo polana.

Yohaannisa 15:7

Intte ta giddon de7ikko, qassi ta qaalaikka intte giddon de7ikko, intte koyidobaa aiba gidinkka woossite; intte ekkana.

Yohaannisa 16:24

Ha77i gakkanaassikka ta sunttan ainne woossibeekketa; intte ufaissai polettana mala, Xoossaa woossite; intte ekkana.

Yohaannisa 9:31

Xoossaayyo yayyiya urainne Xoossai koyiyoobaa oottiya urai de7ikko, he uraabaa Xoossai siyiyoogaappe attin, nagaranchchatubaa siyenna.

Efisoona 3:12

Nuuni Kiristtoosi Yesuusaara issippe gididi, a ammaniyo ammanuwan ammanettidi, ainne yayyennan Xoossaa sintti aadhdhanau danddayoos.

Ibraawe 10:35

Hegaa gishshau, gita woituwaara de7iya intte xalatettaa oloppite.

Ibraawe 3:14

Aissi giikko, nuuni koiro nuuyyo de7iya ammanuwaa wurssettai gakkanaassi mintti naagikko, Kiristtoosaara issippe shaakkana.

Ibraawe 3:6

SHin Kiristtoosi Xoossaa keettan na7adan ammanettidaagaa; nuuni ekkana giidi ufaissan naagiyoogaa xalatettaaninne ammanuwan naagikko, Xoossau keetta gidoos.

Yaaqooba 4:3

Xoossaa intte woossiyo wode, intte amuwaa polanau woosseeta; qassi intte qofai iita gidiyo gishshau demmekketa.

Yaaqooba 5:16

Hegaa gishshau, intte paxana mala, intte nagaraa issoi issuwaayyo paaxitenne issoi issuwaayyo Xoossaa woossite; xillo asa woosai wolqqaama oosuwaa oottees.

Koiro Yohaannisa 2:28

Ta naatoo, qassi i qoncciyo wode, nuuni yashshi bainnaageeta gidanaadaaninne, a yuussaa gallassi a sinttan nuuni yeellatennaadan, aani de7ite.