Koiro Ximootiyoosa 5:13 - Wolaytta Bible

¹³ Hegee bainnan ooso xayidi issi keettaappe hara keettaa hoskkattana. Hoskkattiyoogee hemettiyoogaa xalaala gidennan, banttau bessennabaa haasayiiddi, zigirssaanne yohon coo geliyoogaa tamaaroosona.

Koiro Ximootiyoosa 5:13 ပူးပေါင်းရင်းမြစ်များ

Leemiso Maxaafaa 11:13

Zigirssanchcha asi xuuraa laalees; shin ammanettiya asi xuuraa genttees.

Leemiso Maxaafaa 20:19

Zigirssanchcha asi xuuraa genttenna; hegaa gishshau, odanchcha uraara gaittoppa.

Leemiso Maxaafaa 31:27

A ba so asaa de7uwaa injjeyanau ubbaton ooso oottaidda de7ausu; azalla hanoi i bollan beetti erenna.

Leemiso Maxaafaa 7:11

A xalanne yeelli bainna maccaasa; son woppu gaada uttukku.

Wogaabaa 19:16

“'Ne asaa giddon iita zigirssaa ekkada yuuyoppa. “'Ne shooruwaa woriyoobaa aibanne oottoppa. Taani GODAA.

Luqaasa 10:7

Oosanchchaassi damoozaa qanxxanau koshshiyo gishshau, eti immiyoobaa miiddinne uyiiddi he keettan utti bayite; ha sooppe ya soo booppite.

Yesuusi Kiittidoogeetu Oosuwaa 20:20

Nagaraappe Xoossaakko simmiyoogaanne nu Godaa Yesuus Kiristtoosa ammaniyoogaa Aihudatussinne Aihuda gidennaageetussi markkattaidda, yaa7ankka intte keettan keettankka inttessi yootada tamaarissidoogaappe attin, inttena go77iyaabaappe issibaanne pacissabeikke.

Koiro Ximootiyoosa 5:12

Koiro ammanuwaa karido gishshau, eti pirddettana.

Tiitu 1:11

Eti tamaarissanau bessenna pokkiya ogiyan miishsha demmanau tamaarissiyoogan keetta ubbaa mooriyo gishshau, eta haasayaa teqqana bessees.

Yaaqooba 3:10

Issi doonaappe galatainne qanggettai kiyees. Ta ishatoo, hegee hegaadan hananau bessenna.

Koiro PHeexiroosa 4:15

Intteppe ooninne shemppo woridabaadan, woi kaisodan, woi iitabaa oottida asadan, woi hara asa yohuwan gelidabaadan waayettoppo.

Heezzantto Yohaannisa 1:10

Hegaa gishshau, taani yaa biyo wode, i nu bollan haasayiyo iita haasayaanne i oottido oosuwaa intteyyo yootana; qassi i hegee guuxxiis giidi, nu ishantti yiyo wode mokkenna; harai atto eta mokkanau koyiyaageetakka diggidi, woosa keettaappe kessees.