Koiro Tasalonqqe 5:15 - Wolaytta Bible

¹⁵ Ooninne iitaa gishshaa iitaa zaarenna mala naagettite; shin issoi issuwaayyoonne qassi asa ubbaayyo lo77obaa oottanau minnite.

Koiro Tasalonqqe 5:15 ပူးပေါင်းရင်းမြစ်များ

Doomettaabaa 45:24

Yooseefi ba ishantta moissiis. Eti biishin i eta, “Ogiyan biiddi ooyettoppite” yaagiis.

Mazamure Maxaafaa 38:20

Taani lo77obaa oottin, taayyo iitaa zaariya asati, taani lo77obaa kaalliyo gishshau, tana ixxoosona.

Leemiso Maxaafaa 17:13

Lo77o oottidoogaa kushiyaa iitaa zaariya uraayyo iitai a sooppe mulekka kichchenna.

Leemiso Maxaafaa 20:22

Neeyyo iitaa oottida urau, taanikka ayyo iitaa oottana gooppa; GODAN ammanettada naaga; i nena ashshana.

Leemiso Maxaafaa 24:17

Ne morkkee kunddiyo wode ufaittoppa; i xubettiyo wodekka, “Hashshu!” gooppa.

Leemiso Maxaafaa 24:29

“I tau oottidoogaadan, taani au oottana; taani au a oosuwaa kushiyaa zaarana” yaagoppa.

Leemiso Maxaafaa 25:21

Ne morkkee namisettikko, miza; saamettikko, ushsha.

Wogaabaa 19:18

“'Haluwaa kiyoppa; qassi ne asaappe issuwaayyoonne uluwan lancce oiqqoppa. SHin ne shooruwaa ne huuphedan siiqa. Taani GODAA.

Maatiyoosa 5:39

SHin taani intteyyo odais; intteyyo iitabaa oottiya uraa diggoppite; ooninne ne ushachcha bagga qinxxalliyaa baqqikko, ne haddirssa bagga qinxxalliyaakka a bessa;

Luqaasa 6:35

shin Xoossai bana galatennaageetussikka iitatussikka keha gidido gishshau, intte morkketa siiqite; etayyo lo77obaa oottite; qassi ainne guyye ekkanau qoppennan tal77ite; intte ekkana woitoi darana. Qassi intte Ubbaappe Bolla Xoossaa naata gidana.

Yesuusi Kiittidoogeetu Oosuwaa 16:28

SHin PHauloosi qaalaa xoqqu oottidi, “Neeni nena qohoppa; aissi giikko, nuuni ubbaikka hagan de7oos” yaagiis.

Roome 12:9

Intte siiqoi asa bessanau siiqettiyoobaa gidanau bessenna; iitabaa ixxite; lo77obaa minttidi oiqqite;

Roome 14:19

Yaatikko, ane nuuni sarotetta ehiyaabaanne nuna issuwaa issuwaara minttettiyaabaa ubbaa koyoos.

Koiro Qoronttoosa 14:1

Siiquwaa kaallite. Ayyaanaa imuwaakka minttidi koyite. SHin ubbaappe aattidi, hananabaa yootiyoogaakka koyite.

Koiro Qoronttoosa 16:10

Ximootiyoosi inttekko yiikko, intte matan i yayyennan de7anaadan, a loitti wottite. Aissi giikko, ikka qassi Godaa oosuwaa oottees.

Koiro Qoronttoosa 6:7

Simmi issoi issuwaa mootiyoogee intte giddon de7ikko, hegee intte kunddidoogaa bessees. Hegaappe intte naaqettiyoogeenne cimettiyoogee kehennee?

Galaatiyaa 6:10

Yaanikko ha oottanau nuuni danddayiyoorin, asa ubbau lo77obaa oottoos; shin ubbaappe aattidi, nunaara ammanuwan de7iyaageetuyyo lo77obaa oottoos.

Efisoona 5:15

Simmi intte waani de7iyaakko akeekite; aadhdhida eratettaara de7iya asadan de7iteppe attin, aadhdhida eratetti bainna asadan de7oppite.

Efisoona 5:33

Gidikkokka, qassi intte huuphiyan huuphiyan intte maccaasaa intte huuphedan siiqanau bessees; maccaasa ubbaikka bantta azinaa azinaa bonchchanau bessees.

Zaarettido Wogaa 16:20

Intte de7uwan de7ana malanne GODAI intte Xoossai intteyyo immiyo biittaa intte laattana mala, xillo pirddaa pirddite.

Koiro Tasalonqqe 2:12

Nuuni inttena zorida; minttettida. Qassi a kawotettaanne a bonchchuwaa shaakkanau inttena xeesiya Xoossaa ufaissiya de7uwaa intte de7ana mala, intteyyo minttidi yootida.

Koiro Tasalonqqe 5:21

Ubbabaakka paaccite. Lo77obaa oiqqite.

Koiro Ximootiyoosa 6:11

SHin nenoo, Xoossaa asau, hegaappe baqata. Xillotettaa, Xoossaa milatiyoogaa, ammanuwaa, siiquwaa, danddayaanne ashkketettaa kaalla.

Naa77antto Ximootiyoosa 2:24

Godaa ashkkarai ubbaayyo kehiyaagaa, loitti tamaarissiyaagaanne danddayanchcha gidanau besseesippe attin, ooyettanau bessenna.

Ibraawe 12:14

Asa ubbaara saro de7anau minnite; qassi geeshsha de7uwaa de7ite. Aissi giikko, hegee bainnan ooninne Godaa be7anau danddayenna.

Koiro PHeexiroosa 1:22

Tumatettaayyo intte azazettiyoogan, lo77o milatiya iitatetti bainnan, intte ishantta siiqanau intte huuphiyaa geeshshidi, issoi issuwaara minttidi wozanappe siiqettite.

Koiro PHeexiroosa 2:17

Asa ubbaa bonchchite. Intte ishantta siiqite. Xoossau yayyite. Kawo bonchchite.

Koiro PHeexiroosa 3:9

Iitaa gishshaa iitaa woi cashshaa gishshaa cashshaa zaaroppite; hegaa aggidi, Xoossai intteyyo anjjuwaa immanau inttena xeesido gishshau anjjite.

Heezzantto Yohaannisa 1:11

Ta siiquwau, lo77obaappe attin, iitabaa milatoppa. Lo77obaa oottiya ooninne Xoossaa asa; shin iitabaa oottiya ooninne Xoossaa be7ibeenna.

Ajjuutaa 19:10

Yaagin taani ayyo goinnanau a tohuwan kunddaas. SHin i tana, “Hegaa oottoppa. Taani ne malanne Yesuusi etayyo qonccissido tumatettaa oiqqida ne ishanttu ubbaa mala ashkkara. Xoossaayyo goinna” yaagiis. Aissi giikko, Yesuusi qonccissido tumatettai hananabaa yootiyaageeta denttettiyaagaa.

Ajjuutaa 22:9

SHin kiitanchchai tana, “Hegaa oottoppa. Taani nenadaaninne hananabaa yootiya ne ishanttudan, qassi maxaafan de7iyaabau azazettiya ubbatudan ashkkara. Xoossaayyo goinna” yaagiis.

Sameela Maxaafaa Koiruwaa 24:13

Beni wode, 'Iitaa oottiyaageetuppe iitabi kiyees' yaagiyo leemisoi de7ees; hegaa gishshau, taani nena kushiyaaninne bochchikke.