Koiro Tasalonqqe 4:16 - Wolaytta Bible

¹⁶ Aissi giikko, Godai ba huuphen azazuwaara, kiitanchchatu halaqaa cenggurssaara, Xoossaa malkkataa giirettaara saluwaappe wodhdhana. Kiristtoosa ammanidi haiqqidaageeti kasetidi haiquwaappe denddana.

Koiro Tasalonqqe 4:16 ပူးပေါင်းရင်းမြစ်များ

Mazamure Maxaafaa 47:1

Kawotettati ubbai intte kushiyaa baqqite; qaalaa xoqqu oottidi, Xoossaayyo galataa yexxite.

Mazamure Maxaafaa 47:5

Xoossai pude kawotaa araataa kiyiis. GODAI pude kiyiyo wode, ufaissaa hombbocettainne malkkataa punettai siyettiis.

Kessaabaa 19:16

Heezzantta gallassi maallado dadaa gunttai siyettiis. Wolqqanttainne sikkida shaarai deriyaa maayidi beettiis; malkkataikka punettiyo wolqqaama cenggurssai siyettiis. Hegaa gishshau, ba de7iyoosan asai ubbai kokkoriis.

Kessaabaa 20:18

Asai ubbai dadai xuuqqiyoogaanne wolqqanttai wolqqammiyoogaa be7iis; malkkataa waasuwaa siyiis; qassi deree cuwattiyoogaakka be7iis; be7idi asai yashshaa kokkoriiddi, haahuwan eqqiis.

Isiyaasa 27:13

He gallassi gita malkkatai punettana; punettin Asoore biittan xayiyaageetinne Gibxxe biittau goossidaageeti yaana; yiidi Yerusalaamen geeshsha deriyan GODAAYYO goinnana.

Yuu7eela 2:11

GODAI ba olanchchatu sinttan guummees; au azazettiya olanchchati coranne wolqqaama. GODAA gallassai gitanne daroppe yashshiyaagaa. He gallassaa danddayanai oonee?

Zakkaariyaasa 4:7

Laa gita deriyau, neeni aibee? Neeni Zarubaabeela sinttan lichchi giida dembba gidana. Qassi Zarubaabeeli Beeta Maqidasiyaa keexxi polidi, wurssetta shuchchaa pude kessiyo wode asai, “Hashshu! Hashshu polettes!” yaagana' yaagees” yaagiis.

Zakkaariyaasa 9:14

He wode GODAI eta bolli qonccana; a zubbeekka wolqqanttaadan wolqqammana. Ubbaa Haariya GODAI malkkataa punnana; tohossa bagga gotee kanttiyoogaadankka kanttana.

Zakkaariyaasa 9:9

Nenoo Xiyoone katamau, ufaitta! Nenoo Yerusalaame katamau, ilila! Be7a, xoonida ne xillo kawoi neekko yees. Ne kawoi ashkke gididi, hariyaa bolli, hare maraa bolli uttidi, neekko yees.

Qoodaabaa 23:21

Yaaqooba zariyau iitabi yaanabi, Israa7eela asau metoi gakkanabi taayyo beettibeenna. GODAI eta Xoossai etaara de7ees; i etau kawo gidiyoogaa awaajjoosona.

Maatiyoosa 16:27

Aissi giikko, taani, Asa Na7ai, ta Aawaa bonchchuwan ta kiitanchchatuura yaana hanais; asa ubbau he wode a oosuwaa malaa immana.

Maatiyoosa 16:28

Taani intteyyo tumaa gais; amarida asati, taani, Asa Na7ai, kawo gidada yiyoogaa be7ana gakkanaassi, haiqqennaageeti hagan de7oosona” yaagiis.

Maatiyoosa 25:31

“Taani, Asa Na7ai, kiitanchcha ubbatuura bonchchuwan yiyo wode, ta bonchcho kawotaa araatan uttana.

Maatiyoosa 26:64

Yaagin Yesuusi zaaridi, “Neeni ne huuphenkka gaadasa; shin taani intteyyo odais; hagaappe sinttan, intte tana, Asa Na7aa, wolqqaama Xoossaappe ushachcha baggaara uttidaashiininne saluwaa shaaraara yiishin be7ana” yaagiis.

Yesuusi Kiittidoogeetu Oosuwaa 1:11

“Galiila asatoo, saluwaa xeelliiddi, intte aissi eqqidetii? Ha intteppe saluwaa biida Yesuusi saluwaa biyoogaa intte be7idoogaadankka, simmidi yaana” yaagidosona.

Koiro Qoronttoosa 15:18

Simmi Kiristtoosa ammanidi haiqqidaageetikka qassi xayidosona giyoogaa.

Koiro Qoronttoosa 15:20

SHin Kiristtoosi haiqqidaageetu dendduwaassi baira gididi, haiquwaappe denddidoogee tuma.

Koiro Qoronttoosa 15:23

SHin ubbaikka ba kayan kayan denddana. Kiristtoosi ubbaappe kasetidi denddiis; hegaappe guyyiyan, Kiristtoosaageeti Kiristtoosi yiyo wode denddana.

Koiro Tasalonqqe 1:10

Qassi Xoossaa Na7ai Yesuusi, Xoossai haiquwaappe denttidoogee, nuna sinttappe yaana Xoossaa hanqquwaappe ashshiyaagee saluwaappe yaanaagaa intte naagiyoogaa eti haasayoosona.

Koiro Tasalonqqe 3:11

Nu Aawai, nu Xoossai ba huuphen, qassi nu Godai Yesuus Kiristtoosi nuuni inttekko biyo ogiyaa nuuyyo giigisso.

Naa77antto Tasalonqqe 2:1

Ha77i nu ishatoo, nu Godaa Yesuus Kiristtoosa yuussaabaunne nuuni aara de7anau akko shiiqanabau,

Naa77antto PHeexiroosa 3:10

SHin Godaa gallassai kaisodan yaana. He gallassi saloti wolqqaama gunttan xayana; saluwaa meretati wolqqaama mishuwan seerana; sa7ainne a bollan de7iya ubbabai xayana.

Yihudaa 1:9

SHin kiitanchchatu halaqai Mikaa7eeli Muuse ahaabaa xalahe halaqaara palamettido wode, “Godai nena seero” giidoogaappe attin, cashsha qaalan a bolli pirddanau koyibeenna.

Ajjuutaa 1:10

Godaa gallassan taani Geeshsha Ayyaanan ohettaas; taani taappe guyyeera malkkata waasuwaa mala gita cenggurssaa siyaas.

Ajjuutaa 1:7

Be7ite, Yesuusi shaaraara yees. Asai ubbai, harai atto, a caddidaageetikka a be7ana; sa7an de7iya asai ubbai appe zilaalana. Hegee tuma. Amin77i.

Ajjuutaa 14:13

Hegaappe guyyiyan saluwaappe, “Hagaa xaafa; hagaappe sinttau Godan haiqqiyaageeti anjjettidaageeta” yaagiya cenggurssaa taani siyaas. Ayyaanai, “Tuma; eti bantta daafuraappe shemppana; aissi giikko, eta oosoi eta kaallana” yaagees.

Ajjuutaa 8:13

Issi argganttai saluwaa pude haakkidi paalliyaagaa taani be7aas. He argganttai ba qaalaa xoqqu oottidi, “Heezzu kiitanchchati punnana bessiyo hinkko malkkatai punettiyo wode, sa7an de7iya asau aayye7ana! Aayye7ana! Aayye7ana!” yaagiyoogaa siyaas.

Ajjuutaa 8:2

Hegaappe guyyiyan, taani laappun kiitanchchata Xoossaa sinttan eqqiyaageeta be7aas; etayyo laappun malkkatai imettiis.