Koiro Qoronttoosa 4:4 - Wolaytta Bible

⁴ Aissi giikko, taani ta huuphiyan ainnekka eriyoobi baawa; shin tana hegee xillissenna. Tana pirddiyaagee Godaa.

Koiro Qoronttoosa 4:4 ပူးပေါင်းရင်းမြစ်များ

Iyyooba Maxaafaa 15:14

Asi Xoossaa sinttan geeshsha gidanau danddayii? Woikko maccaasappe yelettida asi xillo gidanau danddayii?

Iyyooba Maxaafaa 25:4

Yaatin, asi Xoossaa sinttan waani xillo gidanau danddayii? Maccaasappe yelettida asi waani wogaadan geeshsha gidanau danddayii?

Iyyooba Maxaafaa 27:6

Ta xillotettaa mintta oiqqanaappe attin, xillotettaa aggikke; taani de7ido laitta ubban ta wozanai kahai tana walassenna.

Iyyooba Maxaafaa 40:4

“Abeet GODAU, taani pattenna laafa asa; taani neeyyo waata zaaranau danddayiyaanaa? Taani ta doonan ta kushiyaa wottaas.

Iyyooba Maxaafaa 9:20

Taani xillo gidiyaakkonne ta doonai tana mooranchcha kessees; taani boree bainna asa gidiyaakkonne, i tana geella kessees.

Mazamure Maxaafaa 130:3

Abeet GODAU, neeni nu nagaraa mazggafan xaafidaakko, abeet Godau, woni ooni pirddaappe attanau danddayii?

Mazamure Maxaafaa 143:2

Ne sinttan xillo gidana asi baawa; hegaa gishshau, tana ne ashkkaraa pirddau shiishshoppa.

Mazamure Maxaafaa 19:12

Ba huuphe balaa demmiyai oonee? Abeet GODAU, geemmida nagaraappe tana geeshsha.

Mazamure Maxaafaa 26:12

Ta tohoi lo77o sohuwan eqqiis; taani kunttida yaa7an GODAA galatana.

Mazamure Maxaafaa 50:6

Xoossai barkka pirddiyaagaa gidiyo gishshau, saloti a xillotettaa yootoosona.

Leemiso Maxaafaa 21:2

Asi oottiyoobai ubbai aawussi likke milatees; shin GODAI a wozanaa qofaa paaccees.

Leemiso Maxaafaa 29:26

Daroti sunttatettai de7iyo asata auddashoosona; shin suure pirddai GODAA achchappe beettees.

Yohaannisa 21:17

Yesuusi heezzanttuwaa, “Yoona na7au Simoonaa, tana dosai?” yaagiis. Yesuusi heezzanttuwaa Simoon PHeexiroosa, “Tana dosai?” yaagidi oichchido gishshau, PHeexiroosi azzanidi, “Godau, neeni ubbabaa eraasa; taani nena dosiyoogaa neeni eraasa” yaagiis. Yaagin Yesuusi, “Ta dorssata heemma.

Yesuusi Kiittidoogeetu Oosuwaa 23:1

PHauloosi yaa7aa tishshi ootti xeellidi, “Ta ishatoo, taani hachchi gakkanaassikka Xoossaa sinttan ta de7o ubban lo77o zoriya wozanan de7aas” yaagiis.

Roome 2:13

Aissi giikko, Xoossaa sinttan higgiyaa naagiyaageeti xilloosonappe attin, higgiyaa siyiyaageeti xillokkona.

Roome 4:2

Aissi giikko, Abrahaami oosuwan xillidabaa gidiyaakko, ayyo ceeqettiyoobi de7ees; shin Xoossaa sinttan ceeqettana danddayenna;

Koiro Qoronttoosa 4:3

SHin intte woi harai tana pirddikko, ainne gidenna. Harai atto, taanikka ta huuphiyaa bolli pirddikke.

Koiro Qoronttoosa 4:5

Hegaa gishshau, Godai xuman genttidobaa poo7uwaa kessiyaagee, wozanaa qofaa qonccissiyaagee yaana wodee gakkanaassi o bollinne oonanne pirddoppite. He wode, asai ubbai huuphiyan huuphiyan Xoossaappe galataa ekkana.

Naa77antto Qoronttoosa 1:12

Nuuni ceeqettiyoogee hagaa; ha sa7an nuuni de7iyo de7oi, ubba qassi inttenaara nuuyyo de7iya issippetettai Xoossaa aaro kehatettaanappe attin, asa aadhdhida eratettaana gidennaagaa, qassi Xoossai immido geeshshatettaaninne suuretettan nuuni de7iyoogaa nuna zoriya wozanai nuuyyo markkattees.

Naa77antto Qoronttoosa 5:10

Aissi giikko, nuuni huuphiyan huuphiyan oottido oosoi lo77o gidin, woi iita gidin, nuuyyo bessiyaagaa ekkanau, Kiristtoosa pirdda araataa sinttan ubbaikka beettanau bessees.