Koiro Qoronttoosa 12:18 - Wolaytta Bible

¹⁸ SHin Xoossai ba koyidoogaadan, bollaa qommota issuwaa issuwaa bollan wottiis.

Koiro Qoronttoosa 12:18 ပူးပေါင်းရင်းမြစ်များ

Mazamure Maxaafaa 110:3

Neeni ne morkketuura olettiyo gallassi ne asai eeno gaana. Maallado guuraa xaazaadan ne wodalla asai neekko qeeri geeshsha deretun shiiqana.

Mazamure Maxaafaa 135:6

Saluwankka sa7ankka, abbatunkka ciimma ubbaa giddonkka i ba dosidobaa ubbaa oottees.

Isiyaasa 46:10

'Ta qofai minnana; qassi taanikka ta halchchuwaa ubbaa polana' yaagais. Wurssettan hananabaa doomettan, qassi biron hanibeenna yohota beni wodiyaappe doommada awaajjais.

Yoonaasa 1:14

Hegaa gishshau, eti hagaadan yaagidi, GODAAKKO waassidosona; “Abeet GODAU, ha bitaniyaa shemppuwaa gishshau, neeni nuna xaissennaadaaninne ha geeshsha suuttaa acuwaakka neeni nuuppe achchennaadan, nuuni nena minttidi woossoos. Aissi giikko, GODAU, neeni ne koyiyoogaadan oottadasa” yaagidosona.

Luqaasa 10:21

Yesuusi he wode Geeshsha Ayyaanan ufaittidi, hagaadan yaagiis; “Ta Aawau, saluwaa sa7aa Godau, neeni hagaa aadhdhida eranchchatuppenne akeekanchchatuppe genttada, erenna naatussi qonccissido gishshau, nena galatais; ee, ta Aawau, aissi giikko, hegee ne shenedan oosettiis.

Luqaasa 12:32

“Amarida dorssa wudiyau, intte Aawai ba kawotettaa inttessi immanau ufaittiyo gishshau yayyoppite.

Roome 12:3

Xoossai tau immido aaro kehatettan taani intteyyo yootais; intte qoppanau bessiyaagaappe aattidi, otoruwan qoppoppite; hegaa aggidi, wozannaama asadan qoppite; Xoossai intteyyo huuphiyan huuphiyan immido ammanuwaa keenan intte bolli pirddite;

Roome 12:6

Xoossai nuuyyo immido aaro kehatettan dumma dumma imoi de7ees; nu imoi Xoossaa qaalaa yootiyoobaa gidikko, nuuyyo de7iya ammanuwaa keenaa oottanau bessees;

Koiro Qoronttoosa 12:11

SHin ha ubbabaa oottiyaagee he issi Geeshsha Ayyaanaa. Asa ubbaassi i ba koyiyoogaadan, dumma dumma imuwaa shaakki shaakkidi immees.

Koiro Qoronttoosa 12:17

Bolla ubbai aife xalaala gidiyaakko, waatidi siyanau danddayii? Qassi bolla ubbai haitta xalaala gidiyaakko, waatidi singganau danddayii?

Koiro Qoronttoosa 12:19

Ubbai issi qommo gidiyaakko, bollai awan de7anee?

Koiro Qoronttoosa 12:24

Nu bollaappe lo77iya baggaa bonchchoi koshshenna; shin bonchchoi pacciyo bollaa qommotussi aadhdhiya bonchchuwaa immanau, Xoossai bollaa issippe gattiis.

Koiro Qoronttoosa 12:28

Xoossai woosa keettan issi issi asata, koiruwan Yesuusi kiittidoogeeta, naa77anttuwan hananabaa yootiyaageeta, heezzanttuwan tamaarissiyaageeta, hegaappe guyyiyan, Xoossai oottiyo malaataa oottiyaageeta, hegaappe guyyiyan, pattiyo wolqqai de7iyoogeeta, maaddiyaageeta, woosa keettaa aissiyaageetanne, dumma dumma qaalan haasayiyaageeta oottiis.

Koiro Qoronttoosa 15:38

SHin Xoossai zerettaassi ba dosido bollaa immees; qassi zeretta ubbaassikka huuphiyan huuphiyan eta bollaa immees.

Koiro Qoronttoosa 3:5

Yaatin, Aphiloosi oonee? PHauloosi oonee? Nuuni inttena ammanissida Xoossaa ashkkarata. Xoossai nuussi huuphiyan huuphiyan immido oosuwaa ootteettees.

Efisoona 1:5

Xoossai ba sheniyan ba dosidoogaadan, Yesuus Kiristtoosa baggaara nuna ba naata oottanau kasetidi qoppi wottiis.

Efisoona 1:9

Aissi giikko, Xoossai ba qoppidoogaa oottiis; qassi Kiristtoosa baggaara polanau qoppi wottido xuura yohuwaa nuna erissiis.

Ajjuutaa 4:11

“Nu Godau Xoossau, neeni bonchchuwaa, sabaanne wolqqaa ekkanau bessaasa. Aissi giikko, ubbabaa neeni medhdhadasa; qassi ubbabaikka neeni koyidoogaadan haniisinne de7iis” yaagoosona.