Koiro PHeexiroosa 5:7 - Wolaytta Bible

⁷ I intteyyo qoppiyo gishshau, inttena hirggissiya ubbabaa a bolli olite.

Koiro PHeexiroosa 5:7 ပူးပေါင်းရင်းမြစ်များ

Mazamure Maxaafaa 34:15

GODAA aifee xillotukko xeellees; qassi i ubba wode eta waasuwaa ezggees.

Mazamure Maxaafaa 37:5

Ne ogiyaa hadaraa GODAAYYO imma. An ammanetta; i neessi oottana.

Mazamure Maxaafaa 40:17

Taani hiyyeesanne metootanchcha; tabaa Godai qoppo. Tana maaddiyainne ashshiyai nena; abeet ta Xoossau, gam77oppa.

Mazamure Maxaafaa 55:22

Ne toohuwaa Xoossan wotta; i nena zemppissana. Xoossai audenne xilloti shabbirettanaadan oottenna.

Leemiso Maxaafaa 16:3

Ne oottiyoobaa ubbaa hadaraa GODAAYYO imma; yaatikko, neeni halchchidobai polettana.

Maatiyoosa 6:27

Intte giddon keehi qoppidi, ba geesaa bolli issi wara gujjanau danddayiyai oonee?

Maatiyoosa 6:28

“Aissi maayossi hirggeetii? Dembban de7iya ciishshati waani dicciyaakko, akeeki xeellite; eti daafurokkona woi puutto suqqokkona.

Maatiyoosa 6:31

Simmi, ‘Nuuni ai maanee? Woi ai uyanee? Woi ai maayanee?’ yaagidi hirggoppite.

Marqqoosa 4:38

Yesuusi wolwoluwan guyye baggaara borkkotaa borkkotidi xiskkees; erissiyo ashkkarati a denttidi, “Tamaarissiyaagoo, nuuni xayiyo wode coo xeellai?” yaagidosona.

Luqaasa 12:22

Yesuusi erissiyo ashkkarata, “Hegaa gishshau, taani intteyyo odais; intte paxa de7anau maanabaassinne woi intte bollau maayanabaassi hirggoppite.

Luqaasa 12:26

Yaatin intte hegaa mala, guuttabaa oottanau danddayennaageeti aissi harabau hirggeetii?

Yohaannisa 10:13

Miishshaa ekkidi heemmiyaagee miishshau heemmiyo gishshaunne dorssaabai a qofissenna gishshau, dorssata aggi bayidi baqatees.

Piliphphisiyuusa 4:6

Xoossaa intte woossiyo woosa ubban a keehi galatiiddi, inttena koshshiyaabaa ubbau woossiteppe attin, issibaukka hirggoppite.

Sameela Maxaafaa Koiruwaa 30:6

Asai Daawita shuchchan caddanau haasayido gishshau, Daawiti keehippe tuggatiis; aissi giikko, a asai ubbai ba attuma naatunne macca naatu gishshau, keehippe yiillotiis; shin Daawiti GODAN ba Xoossan minettiis.