Koiro PHeexiroosa 3:13 - Wolaytta Bible

¹³ Intte lo77obaa oottanau amottikko, inttena qohanai oonee?

Koiro PHeexiroosa 3:13 ပူးပေါင်းရင်းမြစ်များ

Mazamure Maxaafaa 38:20

Taani lo77obaa oottin, taayyo iitaa zaariya asati, taani lo77obaa kaalliyo gishshau, tana ixxoosona.

Leemiso Maxaafaa 12:21

Xillota metoi gakkenna; shin iitatussi metoppe attin, harabi de7enna.

Leemiso Maxaafaa 15:9

GODAI iita asatu hemetaa shenetees; shin xillotettaa kaalliyaageeta i siiqees.

Leemiso Maxaafaa 16:7

Asa hemeti GODAA ufaissiyaabaa gidikko, he aawu ba morkketu addiniitaarakka saro de7anaadan, GODAI oottees.

Ermmaasa 39:12

“Baada Ermmaasa koya demmada, ayyo koshshiyaabaa ubbaa ootta; a bolli hara iitabaa aibanne oottoppa” yaagiis.

Roome 13:3

aissi giikko, heemmiyaageeti iitabaa oottiyaageeta yashshiyoogaappe attin, lo77obaa oottiyaageeta yashshokkona; heemmiyaagaayyo yayyennan agganau koyai? Yaatikko, lo77obaa ootta; i nena galatana.

Roome 8:28

Xoossai bana siiqiyaageetuyyo, ba qoppidoogaa oottanau xeesidoogeetuyyo, yoho ubbaa lo77obau oottiyoogaa nuuni eroos.

Koiro Qoronttoosa 14:1

Siiquwaa kaallite. Ayyaanaa imuwaakka minttidi koyite. SHin ubbaappe aattidi, hananabaa yootiyoogaakka koyite.

Efisoona 5:1

Simmi Xoossai siiqiyo naatudan, a milatite.

Koiro Tasalonqqe 5:15

Ooninne iitaa gishshaa iitaa zaarenna mala naagettite; shin issoi issuwaayyoonne qassi asa ubbaayyo lo77obaa oottanau minnite.

Koiro Ximootiyoosa 5:10

Naata dichchiyoogan, imattaa mokkiyoogan, geeshshatu tohuwaa meecciyoogan, waayettida asaa maaddiyoogan, lo77o ooso ubbaa kaalliyoogan, ha lo77o oosuwaa oottiyoogan erettidaaro gidanau bessees.

Tiitu 2:14

Iita ooso ubbaappe i nuna wozanaunne lo77obaa oottanau amottiya ba geeshsha asa kessanau, nu gishshau, ba huuphiyaa immiis.

Heezzantto Yohaannisa 1:11

Ta siiquwau, lo77obaappe attin, iitabaa milatoppa. Lo77obaa oottiya ooninne Xoossaa asa; shin iitabaa oottiya ooninne Xoossaa be7ibeenna.