Koiro PHeexiroosa 3:12 - Wolaytta Bible

¹² Aissi giikko, Godaa aifee xillotukko xeellees; qassi i ubba wode eta woosaa ezggees. SHin Godai iitabaa oottiyaageeta ba hanqqo som77uwan xeellees” yaagees.

Koiro PHeexiroosa 3:12 ပူးပေါင်းရင်းမြစ်များ

Hanidabaa Odiya Naa77antto Maxaafaa 16:9

Aissi giikko, ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa xeellees. Neeni ha yohuwan eeyyadasa; hegaa gishshau, hachchippe doommin, neeppe oli shaahettenna” yaagiis.

Hanidabaa Odiya Naa77antto Maxaafaa 7:15

Ha77ikka ha sohuwan woosettiya woosaa ta aifee xeellana; ta haittaikka siyana.

Mazamure Maxaafaa 11:4

GODAI ba geeshsha Beeta Maqidasiyan de7ees; ba saluwaa kawotaa araatan GODAI asaa xeellees; GODAA aifee asaa qorees.

Mazamure Maxaafaa 33:18

GODAA aifeti ayyo yayyiyaanne aggenna a siiquwan ufaissaa oottiya asatu bollaana.

Mazamure Maxaafaa 65:2

Abeet woosaa siyiyaagoo, asai ubbai neekko yaana.

Mazamure Maxaafaa 80:16

Ne morkketi ne woiniyaa qeexidosona; taman xuuggidosona. Hegaa gishshau, neeni eta ne hanqquwaa suuluwan xaissa.

Leemiso Maxaafaa 15:29

GODAI iitatuppe haakkees; shin xillotu woosaa siyees.

Leemiso Maxaafaa 15:3

GODAA aifeti ubbasaa xeelloosona; iitaa oottiyaageetakka lo77uwaa oottiyaageetakka be7oosona.

Leemiso Maxaafaa 15:8

GODAI iitatu yarshshuwaa shenetees; shin suuretu woosai a ufaissees.

Ermmaasa 21:10

Aissi giikko, taani ha katamaassi kehanau gidennan iitanau ta qofaa qachchaas. Taani Baabiloone kawuwaassi a aattada immana; ikka ha katamaa taman xuuggana. Taani GODAI hagaa odaas” yaagees' yaaga.

Ermmaasa 39:12

“Baada Ermmaasa koya demmada, ayyo koshshiyaabaa ubbaa ootta; a bolli hara iitabaa aibanne oottoppa” yaagiis.

Hizqqeela 15:7

Taani ta som77uwaa eta bollan zaarana. Eti issi tamaappe kiyikkokka, hara tamai eta maana. Taani ta som77uwaa eta bolli zaariyo wode, taani GODAA gidiyoogaa eti erana.

Wogaabaa 17:10

“'Israa7eela asaappe woikko eta giddon de7iya hara biitta asaappe ooninne suutta miikko, he suuttaa miya asa bollan taani ta sinttaa tukkana; taani he bitaniyaa asaa giddon bohana.

Wogaabaa 20:3

Taani he bitaniyaa morkkana; a asaa giddoppe shoddada a xaissana. Aissi giikko, i ba naatuppe issuwaa Molooka giyo eeqaayyo immiyoogan, ta Dunkkaaniyaa tunissiis; ta geeshsha sunttaakka kaushshiis.

Wogaabaa 20:6

“'Ai asinne tanan ammanettennan ixxidi, moitilliyaa haasayissiyaageetanne shareechchota oichchanau biikko, taani a morkkana; a asaa giddoppekka a xaissana.

Wogaabaa 26:17

Taani ta som77uwaa intte bolli tukkana; intte morkketu sinttan intte kunddana; inttena ixxiyaageeti inttena haarana; qassi ooninne yedettennan intte baqatana.

Zakkaariyaasa 4:10

Ha guutta doomettaa kariya ooninne digin ufaittana; qassi eti Zarubaabeela kushiyan tumbbiyaa be7ana. Hageeti laappun xomppeti biitta ubbaa yuuyidi xeelliya GODAA aifeta” yaagiis.

Yohaannisa 9:31

Xoossaayyo yayyiya urainne Xoossai koyiyoobaa oottiya urai de7ikko, he uraabaa Xoossai siyiyoogaappe attin, nagaranchchatubaa siyenna.

Zaarettido Wogaa 11:12

He biittai GODAI intte Xoossai xomoosiyo biitta; laittaa doomettaappe biidi laittaa wurssettaa gakkanaashin, GODAA intte Xoossaa aifee a bollan de7iyo biittaa.

Yaaqooba 5:16

Hegaa gishshau, intte paxana mala, intte nagaraa issoi issuwaayyo paaxitenne issoi issuwaayyo Xoossaa woossite; xillo asa woosai wolqqaama oosuwaa oottees.