Koiro PHeexiroosa 2:23 - Wolaytta Bible

²³ Asi bana cayiyo wode, zaaridi cayibeenna; waayettiyo wodekka manddibeenna. SHin xillo pirddiya Xoossaayyo bana aattidi immiis.

Koiro PHeexiroosa 2:23 ပူးပေါင်းရင်းမြစ်များ

Doomettaabaa 18:25

Hegee neeppe haakko; xillota iitatuura woriyoogeenne xillotanne iitata issi aifiyan xeelliyoogee neeppe haakko. Ha sa7aa ubbaa pirddiyaagee xillo pirddenneeyye?” yaagiis.

Mazamure Maxaafaa 10:14

SHin Xoossau, neeni tumukka be7aasa; metuwaakka waayiyaakka xeellaasa. Neeni ubba wode nuna maaddanaassi giiga uttadasa. Aawai bainnaageeta neeni maaddiyo gishshau, hiyyeesai woikko qohettidaagee neeni maaddanaadan bana neeyyo sheedhdho.

Mazamure Maxaafaa 31:5

Abeet GODAU, tumaa Xoossau, taani ta shemppuwaa ne kushiyan wottais; neeni tana wozana.

Mazamure Maxaafaa 37:5

Ne ogiyaa hadaraa GODAAYYO imma. An ammanetta; i neessi oottana.

Mazamure Maxaafaa 7:11

Xoossai xillo pirddiyaagaa; i hachchi hachchi hanqqettiya Xoossaa.

Isiyaasa 53:7

I un77etiisinne qohettiis; shin ba doonaa pogibeenna. SHukkanau efiyo dorssaadan laagettiis; ba ikisiyaa meediyaageetu sinttan co77u giya dorssa maraadan, ikka ba doonaa pogibeenna.

Luqaasa 23:41

Nuuni nu oosuwaa malaa ekkiyo gishshau, nuussi imettida pirddai bessiyaagaa; shin hagee ainne iitabaa oottibeenna” yaagidi a hanqqettiis.

Luqaasa 23:46

Yesuusi qaalaa xoqqu oottidi, “Ta Aawau, taani ta shemppuwaa ne kushiyan wottais” yaagidi haiqqi bayiis.

Luqaasa 23:9

Heeroodisi Yesuusa darobaa oichchiis; shin Yesuusi ayyo ainne zaaribeenna.

Yesuusi Kiittidoogeetu Oosuwaa 17:31

Aissi giikko, Xoossai gallassaa keeri wottiis; he gallassan ba doorido uran sa7an de7iya asa ubbaa bolli xillo pirddaa i pirddana; asa ubbaassi haiquwaappe a denttidoogan hegaa tumayiis” yaagiis.

Yesuusi Kiittidoogeetu Oosuwaa 4:29

Ha77ikka Godau, eta manddettaa xeella; nuuni ne ashkkarati, ne qaalaa kumetta xalan yootanaadan, nuna danddayissa.

Yesuusi Kiittidoogeetu Oosuwaa 7:59

Isxxifaanoosi, “Ta Godaa Yesuusaa, ta shemppuwaa ekka” yaagidi xeesishin, eti shuchchan a caddoosona.

Yesuusi Kiittidoogeetu Oosuwaa 9:1

SHin Saa7ooli Godaa kaalliyaageeta woranau manddiiddi, qeese ubbatu halaqaakko biis.

Roome 2:5

SHin intteyyo siyenna wozanainne nagaraappe simmenna wozanai de7ees; hegaa gishshau, Xoossaa hanqqoinne xillo pirddai qoncciyo gallassi, neeni ne bolli hanqquwaa kaseegaappe darissaasa.

Efisoona 6:9

Godatoo, intte ailleta naassiyoogaa aggidi, etayyo hegaadan oottite; inttenanne eta gatti haariya Godai, oonanne maaddi pirddennaagee, saluwan de7iyoogaa ereeta.

Naa77antto Tasalonqqe 1:5

Intte waayettiyo Xoossaa kawotettaayyo bessiyaageeta gididi qoodettana mala, Xoossai pirddiyo xillo pirddau hagee malaata.

Naa77antto Ximootiyoosa 1:12

Qassi taani ha metuwaa ekkiyoogee hegaa gishshassa. SHin taani ammanidoogaa eriyo gishshau, yeellatikke. Qassi taani ayyo immido hadaraa he gallassai gakkanaassi, i naaganau danddayiyoogaa erais.

Naa77antto Ximootiyoosa 4:8

Sinttappe taayyo xillotettaa akiliilee giigi uttiis. Hegaa xillo pirddaa pirddiya Godai he gallassi taayyo sheedhdhana. Qassi Kiristtoosi qonccanaagaa dosiya ubbaassappe attin, ta xalaalaassa gidenna.

Ibraawe 12:3

Intte intte wozanaa bayidi daafurenna mala, nagaranchchati bana daro ixxinkka genccida Yesuusa qoppite.

Koiro PHeexiroosa 3:9

Iitaa gishshaa iitaa woi cashshaa gishshaa cashshaa zaaroppite; hegaa aggidi, Xoossai intteyyo anjjuwaa immanau inttena xeesido gishshau anjjite.

Koiro PHeexiroosa 4:19

Hegaa gishshau qassi, Xoossai giidoogaadan waayettiyaageeti lo77obaa oottiiddi, bantta shemppuwaa hadaraa banttana medhdhida ammanettiya Xoossau immona.

Ajjuutaa 19:11

Yaatin, saloi dooyettidaagaa taani be7aas. Hegan bootta parai de7ees; he paraa toggidaagaa Ammanettiyaagaanne Tumanchchaa giidi xeegettees. Toggidaagee xillotettan pirddeesinne ba olaakka olettees.