Koiro PHeexiroosa 2:21 - Wolaytta Bible

²¹ Xoossai inttena xeesidoogee hegaa gishshassa; aissi giikko, Kiristtoosi intteyyo waayettiis; intte a kaallana mala, intteyyo leemiso gidiis.

Koiro PHeexiroosa 2:21 ပူးပေါင်းရင်းမြစ်များ

Mazamure Maxaafaa 85:13

Xillotettai GODAAPPE sinttaara heemettana; ayyo ogiyaa giigissana.

Maatiyoosa 10:38

Ba masqqaliyaa tookkidi, ta geeduwaa kaallennaagee tabaa gidanau bessenna.

Maatiyoosa 11:29

Taani ashkkenne wozanappe kauyyiyaagaa gidido gishshau, ta qambbaran waaxettite; taappe tamaarite; intte shemppuwaukka intte shemppo demmana.

Maatiyoosa 16:24

Hegaappe guyyiyan, Yesuusi ba erissiyo ashkkarata hagaadan yaagiis; “Tana kaallanau koyiya urai de7ikko, bana yeggi bayo; yaatidi ba masqqaliyaa tookkidi, tana kaallo.

Luqaasa 24:26

I ha waayiyaa ekkanaunne ba bonchchuwaa bonchchettanau bessennee?” yaagiis.

Yohaannisa 13:15

Aissi giikko, taani intteyyo oottidoogaadan, inttekka oottana mala, intteyyo leemiso gidaas.

Yohaannisa 16:33

Intte ta giddon de7iiddi, saro de7ana mala, taani hagaa intteyyo odaas. Sa7an intte waayettana. SHin minnite; taani sa7aa xoonaas” yaagiis.

Yesuusi Kiittidoogeetu Oosuwaa 17:3

Kiristtoosi waayiyaa ekkanaunne haiquwaappe denddanau bessiyoogaa etassi birshshidi yootiiddinne tuma gididoogaakka eta erissiiddi, “Yesuusi ha taani intteyyo odiyoogee Kiristtoosa” yaagees.

Yesuusi Kiittidoogeetu Oosuwaa 9:16

Aissi giikko, ta sunttaa gishshau, i woqqaa waayettanau bessiyaakko, taani a bessana” yaagiis.

Roome 8:29

Xoossai ba Na7ai daro ishanttu giddon baira gidanaadan, i kase dooridoogeeti qassi ba Na7aa milatanaadan, kasetidi shaakki wottiis.

Koiro Qoronttoosa 11:1

Taani Kiristtoosadan haniyoogaadan, inttekka tanadan hanite.

Efisoona 5:2

Qassi Kiristtoosi nuna siiqidi, ba huuphiyaa Xoossaayyo sawuwaa tonggu giya yarshsho oottidi immidoogaadan, inttekka siiquwan de7anau bessees.

Piliphphisiyuusa 2:5

Kiristtoos Yesuusan de7iya ha qofai qassi inttenankka de7anau bessees.

Koiro Tasalonqqe 3:3

Ha waayiyaa gaasuwan intteppe ooninne guyye simmenna mala, a kiittida. Nuuni hegau doorettidoogaa intte intte huuphen ereeta.

Koiro Tasalonqqe 4:2

Aissi giikko, nuuni Godaa Yesuusa maataa baggaara intteyyo immido azazoi augaakko, intte ereeta.

Naa77antto Ximootiyoosa 3:12

Tumatettan Kiristtoos Yesuusan Xoossaa milatidi de7anau dosiya ubbai yedetettana.

Ibraawe 2:10

Xoossai ubbabaa medhdhiyaagee, ubbabaakka naagiyaagee, Yesuusi daro naata ehiidi, banaara bonchchissana mala, waayiyaa baggaara Yesuusa bali bainnaagaa oottanau bessees; aissi giikko, he naata atotettaayyo kaalettiyaagee Yesuusa.

Koiro PHeexiroosa 1:20

Xoossai sa7ai merettanaappe kase Kiristtoosa doori wottiis; shin intte gishshau, ha wodiyaa wurssettan i beettiis.

Koiro PHeexiroosa 2:24

Nuuni nagarau haiqqidi, xillotettau de7ana mala, Kiristtoosi ba huuphen ba ashuwan nu nagaraa masqqaliyan tookkiis; intte a masunttan paxideta.

Koiro PHeexiroosa 3:18

Aissi giikko, Kiristtoosi nuna Xoossaakko efaanau, baayyo xillo gidiiddi, makkalanchchatu gishshau, issitoo ubbaa nagarau haiqqiis; i ba asatettan haiqqiis; shin Ayyaanan paxiis.

Koiro PHeexiroosa 3:9

Iitaa gishshaa iitaa woi cashshaa gishshaa cashshaa zaaroppite; hegaa aggidi, Xoossai intteyyo anjjuwaa immanau inttena xeesido gishshau anjjite.

Koiro PHeexiroosa 4:1

Hegaa gishshau, Kiristtoosi ba ashuwan nuuyyo waayettido gishshau, inttekka he qofaa ola miishshadan oiqqidi, intte intteyyo minnite. Aissi giikko, ba ashuwan waayettida urai nagaraa oottiyoogaa aggiis.

Koiro PHeexiroosa 4:13

SHin Kiristtoosa bonchchoi beettiyo wode intte ufaittana mala, aara waayettiyoogan ufaittite.

Koiro Yohaannisa 2:6

Taani, “Xoossan de7ais” giya ooninne Kiristtoosi de7idoogaadan de7anau bessees.

Koiro Yohaannisa 3:16

Kiristtoosi ba shemppuwaa nu gishshau aattidi immidoogan siiqoi aibakko nuuni erida; nuunikka nu ishatu gishshau, nu shemppuwaa aattidi immanau bessees.

Ajjuutaa 12:11

Nu ishantti Dorssaa suuttaaninne bantta tumu markkatettan miimminttiyaara olettidi xoonidosona. Qassi eti bantta shemppuwaa aatti immiyoogau qarettibookkona.