Koiro PHeexiroosa 2:18 - Wolaytta Bible

¹⁸ Ashkkaratoo, intte lo77o godatu xalaalaayyoonne ashkke godatu xalaalaayyo gidennan, iitatuyyookka daro yayyidi haarettite.

Koiro PHeexiroosa 2:18 ပူးပေါင်းရင်းမြစ်များ

Mazamure Maxaafaa 101:4

Wozanaa geellatettai taappe haakkana; iitatettaa taani erikke.

Leemiso Maxaafaa 10:32

Xillo asai bessiya haasayaa erees; shin iita asai geellaa haasayees.

Leemiso Maxaafaa 11:20

GODAI iita qofai de7iyo asata ixxees; shin suure hemettiyaageetan ufaittees.

Leemiso Maxaafaa 3:32

Aissi giikko, GODAI iitaa oottiyaageeta ixxees; shin suuretuyyo i ulottees.

Leemiso Maxaafaa 8:13

Godaassi yayyiyoogee iitatettaa ixxiyoogaa; taani otoruwaanne ayyuwaa ixxais; iitasaa efiya ogiyaanne worddo haasayaa dosikke.

Naa77antto Qoronttoosa 10:1

Taani PHauloosi, intte, “I nunaara de7iyo wode kauyyees” giyoogee, qassi, “Nuuppe haakkidi de7iyo wode nu bolli xalees” giyoogee, Kiristtoosa doshotettaa baggaaranne a ashkketettaa baggaara inttena woossais.

Galaatiyaa 5:22

SHin Geeshsha Ayyaanaa aifee, siiquwaa, ufaissaa, sarotettaa, danddayaa, kehatettaa, lo77otettaa, ammanuwaa,

Yaaqooba 3:17

SHin bollappe yiya aadhdhida eratettai ubbaappe kase geeshsha. Qassi sarotetta, ashkkenne ero giyaagaa; qassi maarotettinne lo77o aifee kumidoogaa. Sireenne lo77o milatiya iitatetti bainnaagaa.