Koiro PHeexiroosa 1:6 - Wolaytta Bible

⁶ Ha77i guutta wodiyaayyo harai atto dumma dumma paaciyan intte paacettanau koshshikkokka, hagan daro ufaittite.

Koiro PHeexiroosa 1:6 ပူးပေါင်းရင်းမြစ်များ

Mazamure Maxaafaa 119:28

Azzanoi daridoogan ta shemppoi daafuriis; neeni giido qaalaadan tana minttetta.

Mazamure Maxaafaa 119:75

Abeet GODAU, ne pirddai xillo gidiyoogaanne neeni tana tuman qaxxayidoogaa taani erais.

Mazamure Maxaafaa 34:19

Xillo asa metoi daro; shin GODAI a he ubbaappe ashshees.

Mazamure Maxaafaa 35:10

Ta kumetta asatettai nena, “Abeet GODAU, ne mali oonee? Hiyyeesaa wolqqaamaa kushiyaappe wotta ekkaasa. Hiyyeesaanne metootanchchaa bonqqi miyaageetu kushiyaappe ashshaasa” yaagana.

Mazamure Maxaafaa 69:20

Cashshai ta wozanaa paxennaadan menttiis; taayyo qarettiyaabaa koyaas. SHin issoinne baawa; tana minttettiya asa xeellaas; shin demmabeikke.

Mazamure Maxaafaa 95:1

Haayite; ane GODAA sabboos. Nuna ashshiya zaallaassi ufaissau yexxoos.

Isiyaasa 61:10

Taani GODAN keehippe ufaittais; ta shemppiyaakka ta Xoossan hashshu gausu. Aissi giikko, bullachchiyaagee ba huuphiyan ciishsha akiliiliyaa wottiyoogaadan, bullashettiyaarakka dumma dumma alleequwan alleeqettiyoogaadan, i tana atotettaa maayuwaa maizziis; xillotettaa qumaashshaakka bollaara taayyo gujjiis.

Isiyaasa 61:3

Hegaadankka qassi, Xiyoonen kayyottiyaageetussi, bidinttaa gishshaa akiliiliyaa, azzanuwaa gishshaa ufaissaa zaitiyaa, daafura ayyaanaa gishshaa galataa qumaashshaa immana mala, tana kiittiis. Eti GODAI ba bonchchuwau tokkido xillo mitta geetettidi xeesettana.

Maatiyoosa 11:28

“Daafuranchchatoo, deexuwaa tookkiyaageetoo, ubbati taakko haa yiite; taani inttena shemppissana.

Maatiyoosa 26:37

Yaagidi PHeexiroosanne Zabddiyoosa naata naa77aa banaara ekki efiidi, daro kayyuwaanne waayiyaa doommiis.

Maatiyoosa 5:12

Intteyyo saluwan gita woitoi de7iyo gishshau, ufaittite; hashshu giite; aissi giikko, asai intteppe kase de7ida hananabaa yootiyaageetakka hegaadan waissiis.

Luqaasa 10:20

Tuna ayyaanai inttessi azazettiyo gishshau ufaittoppite; shin intte sunttai saluwan xaafettido gishshau ufaittite” yaagiis.

Luqaasa 2:10

kiitanchchai eta, “Hachchi Godai Kiristtoosi, ashshiyaagee Daawita kataman yelettidoogaassi taani asa ubbaa ufaissiya mishiraachchuwaa intteyyo odiyo gishshau, yayyoppite;

Yohaannisa 16:22

Hegaa gishshau, inttekka intte wozanan hirggeeta; shin taani naa77anttuwaa inttena be7ana; qassi intte wozanai keehi ufaittana; intte ufaissaa ooninne intteppe ekkenna.

Yohaannisa 16:33

Intte ta giddon de7iiddi, saro de7ana mala, taani hagaa intteyyo odaas. Sa7an intte waayettana. SHin minnite; taani sa7aa xoonaas” yaagiis.

Roome 12:12

Xoossai intteyyo immana giidoogan ufaittite; waayiyan genccite; ubba wode Xoossaa woossite;

Roome 5:11

SHin hegaa xalaala gidenna; ha77i nuna Xoossaara sigettida nu Godaa Yesuus Kiristtoosa baggaara nuna Xoossaabai ufaissees.

Roome 5:2

qassi i nuna ha77i nuuni de7iyo Xoossaa aaro kehatettaa giddo ammanuwan ehiis; yaatin, nuuni Xoossaa bonchchuwaa shaakkanau nuuyyo de7iya ufaissan ceeqettoos.

Roome 9:2

Taayyo ashuwan zare gidiya ta ishanttuyyo, ta wozanan daro qaretainne aggenna qofai de7ees.

Naa77antto Qoronttoosa 4:17

Aissi giikko, ha77issau nuuni waayettiyo ha guutta waayee, ubbaappe keehi gitatiya merinaa bonchchuwaa nuuyyo beetissana.

Naa77antto Qoronttoosa 6:10

Nuuni kayyottiyaageeta gidikkokka, ubba wode ufaittoos. Hiyyeesa milatoos; shin daro asaa dureyoos; qassi aibinne bainna asa milatoos; shin ubbabaikka nubaa.

Galaatiyaa 5:22

SHin Geeshsha Ayyaanaa aifee, siiquwaa, ufaissaa, sarotettaa, danddayaa, kehatettaa, lo77otettaa, ammanuwaa,

Piliphphisiyuusa 2:26

Aissi giikko, i inttena ubbaa be7anau laamotees; qassi i sakettidoogaa intte siyido gishshau, ba wozanan daro metootees.

Piliphphisiyuusa 3:3

Aissi giikko, nuuni Xoossaa Geeshsha Ayyaanan Xoossaayyo goinniyo gishshaunne nu de7uwan Godaa Kiristtoos Yesuusan ufaittiyo gishshau, tumu qaxxaraa qaxxarettidaageeta; asatettaa bolli oosettiyaaban ammanokko.

Piliphphisiyuusa 4:4

Godaara intte de7iyo de7uwan ubba wode ufaittite; taani hagaa gujjadakka gais; ufaittite.

Koiro Tasalonqqe 1:6

Qassi intte daro waayettikkokka, Geeshsha Ayyaanai immido ufaissaara kiitaa ekkideta; nunanne Godaa milatideta.

Yaaqooba 1:2

Ta ishatoo, intte ammanoi paacettiyoogee intteyyo danddayaa immanaagaa eridi, dumma dumma paacee inttena gakkiyo wode, hegaa kumetta ufaissadan qoodite.

Yaaqooba 1:9

SHin hiyyeesa ishai Xoossai a xoqqu oottido wode ufaitto; qassi dure ishaikka Xoossai a ziqqi oottido wode ufaitto. Aissi giikko, dure bitanee maata giddon dicciya ciishshadan xayana.

Yaaqooba 4:9

Tuggatite; kayottitenne yeekkite. Intte miichchaa yeehuwau laammite; intte ufaissaakka kayyuwau laammite.

Koiro PHeexiroosa 3:17

Aissi giikko, Xoossai giidobaa gidikko, iitabaa oottido gishshau waayettiyoogaappe, lo77obaa oottido gishshau waayettiyoogee keha.

Koiro PHeexiroosa 4:7

Ubbabaukka wurssettai matattiis. Hegaa gishshau, Xoossaa woossanau wozanaa qofai de7iyoogeetudan, inttena naagitenne minnite.

Koiro PHeexiroosa 5:10

Aaro kehatetta ubbaa Xoossai, ba merinaa bonchchuwaayyo Kiristtoos Yesuusa baggaara inttena xeesidaagee, amarida wodiyaa intte waayettidoogaappe guyyiyan, i ba huuphen inttena loittananne minttana. Qassi i inttena wolqqanttana.

Sameela Maxaafaa Koiruwaa 2:1

Haanna hagaadan yaagada woossaasu; “Ta wozanai GODAN ufaittees; GODAN ta wolqqai dariis. Ta morkketu bollan taani ceeqettada haasayais; GODAI tana ashshido gishshau, taani ufaittais.