Koiro PHeexiroosa 1:24 - Wolaytta Bible

²⁴ Aissi giikko, Xoossaa maxaafai, “Asai ubbai maataa mala; a bonchcho ubbaikka maataa ciishshaa mala. Maatai melees; ciishshaikka qoqqofettees.

Koiro PHeexiroosa 1:24 ပူးပေါင်းရင်းမြစ်များ

Kawotu Maxaafaa Naa77anttuwaa 19:26

Hegaa gishshau, eta asaayyo wolqqai ixxin, eti kauyyidosonanne yeellatidosona. Eti gade maataa mala; goshshan mokkida carshshaa mala. Eti keettaa huuphiyan mokkiya sharafaadaaninne ka77ennan de7ishin, leegee miido kattaadan hanidosona.

Iyyooba Maxaafaa 14:2

I ciishshaadan ciyyidi, sohuwaarakka qoqqofetti aggees; qassi gam77ennan kuwaadan eesuwan aadhdhiichchees.

Mazamure Maxaafaa 102:4

Taani shoci yeggido mela maataadan hanaas; qumaikka taayyo meetettenna.

Mazamure Maxaafaa 103:15

Asa gidikko, a de7oi maataa mala; i bazzo ciishshaadan ciyyees;

Mazamure Maxaafaa 129:6

Keettaa huuphiyan mokkidi, diccanaappe kasetidi meliya maataa mala gido.

Mazamure Maxaafaa 37:2

Aissi giikko, eti maataadan eesuwan melana; shullida bonccuwaadan eti haiqqana.

Mazamure Maxaafaa 39:6

Tumaappe asai eeshuwaadan hemettees; tumaappe coo mela simerettees. I aquwaa shiishshees; shin ekkana asa erenna.

Mazamure Maxaafaa 90:5

Neeni asaa qoppennan di7uwaadan efaasa. Eti aimo mala; maallado maallado mokkiya maataa mala.

Mazamure Maxaafaa 92:7

Hegeenne, iitati maataadan diccikkokka, iita oottiya ubbati daayikkokka, eti merinaayyo xayana.

Isiyaasa 51:12

GODAI hagaadan yaagees; “Inttena minttettiyaagee tana. Yaatin, haiqqiya asau yayyanau, maatadan eesuwan meliya asaa na7au yayyanau intte oonee?

Maatiyoosa 6:30

SHin laafa ammanoi de7iyoogeetoo, Xoossai, hachchi de7idi, wontto coociyaa taman eexxiya dembbaa maataa maizziyaagee, inttena etaagaappe aattidi waati maizzennee?

Yaaqooba 4:14

Wontto intte de7oi ai hananaakkonne erekketa; guutta wodiyau intte beettidi, guyyeppe xayiya cuwa mala.

Koiro Yohaannisa 2:17

Ha sa7ainne ha sa7an asi amottiyo ubbabai aadhdhana. SHin Xoossai giidoogaa oottiya urai merinau de7ana.