Kessaabaa 7:10 - Wolaytta Bible

¹⁰ Yaagin Muuseenne Aarooni kawuwaakko gelidosona; gelidi likke GODAI eta azazidoogaadan oottidosona; Aarooni ba gatimaa kawuwaa sinttaaninne a oosanchchatu sinttan oliis; olin shooshsha kiyiis.

Kessaabaa 7:10 ပူးပေါင်းရင်းမြစ်များ

Mazamure Maxaafaa 135:9

He sohuwan Gibxxe kawuwaanne a ashkkarata ubbaa qaxxayanau, oorattabaanne maalaalissiyaabaa oottiis.

Kessaabaa 12:28

Israa7eelati GODAI Muusanne Aaroona azazidoogaadan oottidosona.

Kessaabaa 4:3

Yaagin GODAI a, “Ane a sa7an ola” yaagiis. Yaagin Muusee he gatimaa sa7an oliis; olin shooshsha kiyiis; yaatin, Muusee appe woxxiis.

Kessaabaa 7:15

Kawoi haattau biyo wode, guurada neeni akko ba; baada aara gaittanau neeni Naile SHaafaa doonan eqqa; shooshshau laamettida gatimaa oiqqa ekkada ba.

Kessaabaa 7:20

Muuseenne Aarooni GODAI azazidoogaadan oottidosona. Kawuwaa sinttaaninne a sunttatu sinttan i ba gatimaa denttidi, abbaa haattaa shociis; shocin haatta ubbai suuttau laamettiis.

Kessaabaa 7:6

Muuseenne Aarooni likke GODAI eta azazidoogaadan oottidosona.

Kessaabaa 7:9

“Kawoi inttena, 'Xoossai oottiyo malaataa tana bessite' giyo wode, neeni Aaroona, 'Ne gatimaa ekkada, kawuwaa sinttan ola' yaaga; yaatobare i shooshsha kiyana” yaagiis.

Amoxa 9:3

Eti Qarmmeloosa Deriyaa xeeran qosettikkokka, taani eta koyada hegaappe kessana. Abbaa ciimmaa giddo gelidi, ta sinttaappe geemmikkokka, taani miimminttiyaa azazin, i eta dukkana.

Marqqoosa 16:18

Eti shooshsha oiqqikkokka, woi marzze uyikkokka eta qohenna. Qassi eti bantta kushiyaa hargganchchatu bolli wottana; wottin he hargganchchati paxana” yaagiis.

Luqaasa 10:19

Intte shooshshaanne masimasuwaa yedhdhidi hemettana mala, morkkiyaa wolqqaa ubbaa bolli inttessi godatettaa immaas. Inttena qohiyaabi aibinne baawa.