Kessaabaa 34:21 - Wolaytta Bible

²¹ “Usuppun gallassaa oottite; shin laappuntta gallassan shemppite; goyiyo wodiyankka qassi kattaa cakkiyo wodiyankka laappuntta gallassan shemppite.

Kessaabaa 34:21 ပူးပေါင်းရင်းမြစ်များ

Doomettaabaa 45:6

Ha biittaa koshai geloosappe naa77antto laitta; qassi yiya ichchashu laittatun asi goyenna woikko cakkenna.

Nahimiyaa Maxaafaa 13:15

He wodiyan taani Yihudan de7iya asai Sambbata gallassi woiniyaa gum77ishin be7aas; haratikka qassi kattaa, woiniyaa eessaa, woiniyaa aifiyaa, balasiyaa aifiyaanne hegeeta milatiyaabata bantta hariyan caanidi, Sambbata gallassan Yerusalaame ehiyoogaa be7aas. Hegaa gishshau, eti Sambbata gallassan zal77ennaadan taani etau minttada yootaas.

Kessaabaa 23:12

Usuppun gallassaa ne oosuwaa ootta; ne boorainne ne haree shemppana malanne ne son yelettida ailleenne betee, gazddana mala, laappuntta gallassi ooso oottoppa.

Kessaabaa 31:15

Usuppun gallassatun neeni oosuwaa ootta; shin laappuntta gallassai GODAAYYO dummatida shemppo Sambbata; Sambbata gallassan ai oosonne oottiya ooninne haiqqo.

Kessaabaa 35:2

Saaminttaa giddon usuppun gallassa xalaalan oosuwaa oottite; shin laappuntta gallassai intteyyo geeshsha gallassa; GODAAYYOOKKA shemppo Sambbata. He gallassi ai oosonne oottiya uri ooninne haiqqanau bessees.

Isiyaasa 30:24

Gadiyaa goyiya booratinne hareti laidaaninne gillan suraggidi, maxiniyan sohido harqquwaa maana.

Wogaabaa 23:3

“'Intte usuppun gallassaa oosuwaa ootteeta; shin laappuntta gallassi intte shemppiyo Sambbata gallassa; he gallassan geeshsha yaa7aa shiiqite; aiba oosonne oottoppite; intte de7iyo sohuwan ubban hegee GODAASSI Sambbata.

Luqaasa 13:14

SHin Aihuda woosa keettaa halaqai Yesuusi Sambbata gallassan harggiyaappe mishiriyo pattido gishshau hanqqettidi asaa, “Ooso oottiyo gallassati usuppuna; intte yiidi harggiyaappe paxanau bessiyoi he gallassatuunappe attin, Sambbataana gidenna” yaagiis.

Luqaasa 23:56

Be7idi soo simmidi, shittuwaanne tiyettiyoobaa giigissidosona. Higgee azaziyoogaadan, Sambbatan shemppidosona.

Zaarettido Wogaa 21:4

Ekkidi goggiya haattai de7iyo goyettibeennasaanne zerettibeenna zanggaaraa efiidi, he ussee garbballiyaa mirqqidi menttona.

Sameela Maxaafaa Koiruwaa 8:12

Etappe attaa shaalaqatanne hamssaalaqata, haraata a biittaa goyiyaageetanne a kattaa cakkiyaageeta, qassi haraata a ola miishshaanne a para gaaretu miishshaa oottiyaageeta kessana.