Kessaabaa 30:4 - Wolaytta Bible

⁴ He worqqa tigettaappe garssaara ixaanaa cuwayiyo saaxiniyaayyo worqqaappe naa77u sagaayota medhdha; yaatada ya baggaaranne ha baggaara naa77aa naa77aa oitta. Hegeeti tokkiyo wode kasota aattanaassi maaddanaassa.

Kessaabaa 30:4 ပူးပေါင်းရင်းမြစ်များ

Kessaabaa 25:12

He Taabootaayyo oiddu worqqa sagaayota tiga; tigada oiddu gedetun issi baggaara naa77u sagaayota, qassi hankko baggaara naa77u sagaayota aatta.

Kessaabaa 25:14

Taabootaa tookkanau, Taabootaa miyyiyan de7iya sagaayotun kasota aatta.

Kessaabaa 25:27

Xaraphpheezaa tookkanau kasota aattiyo sagaayoti xaraphpheezau shaashiyaa lanqqiyan shiiqidi de7ona.

Kessaabaa 26:29

Xagaageta worqqan sheeshshada, hiraqoti aadhdhiyo sagaayota worqqaappe medhdha; qassi hiraqotakka worqqan sheeshsha.

Kessaabaa 27:4

Yaatada nahaasiyaa birataappe zazzare malabaa medhdha; qassi a oiddu zooziyan oiddu sagaayota medhdha.

Kessaabaa 27:7

Yarshshiyoosaa tookkiyo wode maaddana mala, he kasota naa77u miyyiyaara de7iya sagaayotun aatta.

Kessaabaa 30:3

Ayyo bolla doonaa, oiddu miyye ubbaanne a kaceta walahi bainna worqqan sheeshsha; a yuushuwankka worqqa tigettaa yuushsha aatta.

Kessaabaa 30:5

Kasota guuganttaappe kessada, eta worqqan sheeshsha.