Kessaabaa 30:35 - Wolaytta Bible

³⁵ SHittuwaadan walahettida ixaanaa oottada, etan go7etta; walahi bainnabaanne geeshsha gidanaadan, an maxiniyaa yegga.

Kessaabaa 30:35 ပူးပေါင်းရင်းမြစ်များ

Kawotu Maxaafaa Koiruwaa 1:39

Qeesiyaa Xaadooqi Xoossaa Dunkkaaniyaappe zaitiyaa kaciyan tigi ekkidi, Solomona tiyidi kawoyiis. Hegaappe guyyiyan eti malkkataa punnin, asai ubbai ba qaalaa xoqqu oottidi, “Kawoi Solomoni merinau de7o!” yaagiis.

Hanidabaa Odiya Koiro Maxaafaa 9:30

SHin qeesetu naatuppe issooti issooti sawuwaa likki likkidi walakkoosona.

Mazamure Maxaafaa 133:2

Hegee huuphiyaa tiyin, buuchchaara goggiya, Aaroona buuchchaara goggidi a maayuwaa morggiyaa gakkiya al77o zaitiyaa mala.

Kessaabaa 28:41

Neeni ha maayota ne ishaa Aaroonanne a naata maizzidoogaappe guyyiyan, eti qeesetettan taayyo oottana mala eta tiya; tiyada eti qeese gididi taayyo oottana mala eta dummaya.

Kessaabaa 30:25

Hageeta shittuwaa oottiyo eran wolakkada, sawiya geeshsha tiyettiyo zaite kessa.

Kessaabaa 30:34

Hegaappe guyyiyan, GODAI Muusa hagaadan yaagiis; “Sawiya qimameta: mittaa cooshshaa, xaadhdhiyaa keettan de7iya shittuwaa, sawiya shidaanne sawiya ixaanaa ekka; eta ubbaa yesoikka issi likke gido.

Kessaabaa 30:36

Appe amaridaagaa ekkada liiqissada cadda; yaatada taani nenaara gaittiyo Xoossaa Dunkkaaniyaa giddon Maachchaa Taabootaa sinttan wotta. Yaatobare i neeyyo ubbaappe aadhdhida geeshsha gidana.

Leemiso Maxaafaa 27:9

SHittoinne sawiya ixaani asaa ufaissiyoogaadan, siiqo laggiyaa zoreekka ufaissees.

Siiquwaa Sabaa 1:3

Ne tiyettiyo shittoi aiba sawii! Ne sunttai xeesettiyo wodekka aiba ufaissii! Geela7oti nena siiqiyoogee hegaassa.

Siiquwaa Sabaa 3:6

“Hagee bazzoora yiyaagee, cuwaa tuussaa milatiyaagee, peenoikka zal77anchchaa ixaanaadaaninne karbbiyaadan sawiyoogee i aibee?

Wogaabaa 16:12

Qassi GODAA sinttan de7iya yarshshiyoosaappe ixaanaa cuwayiyo miishshaa kumettaa bonqquwaanne, liiqi gaacettida naa77u zolle sawiya ixaanaa ekkidi, magalashuwaa giddo eho.

Wogaabaa 2:13

Neeni shiishshiyo kattaa yarshsho ubban maxiniyaa yegga; aissi giikko, maxinee neeni ne Xoossaara maacettido maachchaayyo malaata. Hegaa gishshau ne kattaa yarshshuwaa ubbaa maxiniyan mal77etta.

Yohaannisa 12:3

Mairaama daro miishshan baizettiya narddoose giyo geeshsha shittuwaa ehaada, Yesuusa tohuwaa tiyaasu; tiyada ba binnaanan a tohuwaa quccaasu; keetta ubbai shittuwaa sawuwan tonggu gees.