Kessaabaa 19:9 - Wolaytta Bible

⁹ GODAI Muusa, “Taani nenaara haasayishin asai siyanaadaaninne eti nenan ubba wodekka ammanettanaadan, taani neekko sikkida shaara giddoora yaana” yaagiis. Hegaappe guyyiyan Muusee asai giidoogaa GODAAYYO yootiis.

Kessaabaa 19:9 ပူးပေါင်းရင်းမြစ်များ

Kawotu Maxaafaa Koiruwaa 8:12

Hegaappe guyyiyan Solomoni hagaadan yaagiis; “Abeet GODAU, neeni, 'Taani xuma shaaran de7ana' yaaga wottadasa.

Hanidabaa Odiya Naa77antto Maxaafaa 20:20

Eti maallado guuran denddidi, Taqo7a Bazzuwaa baanau kiyidosona; eti kiyido wode Yoosaafixi denddi eqqidi, “Yihudaaninne Yerusalaamen de7iya asau, taani giyoogaa siyite. GODAN, intte Xoossan, ammanettite; intte minnana. Qassi hananabaa yootiyaageetun ammanettite; yoho ubbi intteyyo injjetana” yaagiis.

Hanidabaa Odiya Naa77antto Maxaafaa 6:1

Hegaappe guyyiyan, Solomoni hagaadan yaagiis; “Abeet GODAU, neeni, 'Taani xuma shaaran de7ana' yaaga wottadasa.

Mazamure Maxaafaa 97:2

SHaarainne sakkana xumai a yuuyi aadhdhiis. Xillotettainne tumatettai a kawotaa araataassi baaso.

Mazamure Maxaafaa 99:7

I shaaraa tuussaa giddoora etayyo haasayiis; eti i immido higgiyaanne wogaa naagidosona.

Kessaabaa 14:31

Israa7eelatikka GODAI Gibxxetu bolli bessido gita wolqqaa be7ido wode, asai GODAAYYO yayyiis; yayyidi akka a ashkkaraa Muusakka ammaniis.

Kessaabaa 19:16

Heezzantta gallassi maallado dadaa gunttai siyettiis. Wolqqanttainne sikkida shaarai deriyaa maayidi beettiis; malkkataikka punettiyo wolqqaama cenggurssai siyettiis. Hegaa gishshau, ba de7iyoosan asai ubbai kokkoriis.

Kessaabaa 20:21

Asai haakkidi eqqidaashin, Xoossai de7iyoosaa sikkida xumaakko Muusee shiiqiis.

Kessaabaa 34:5

Kiyin GODAI shaaran duge wodhdhidi, aara yan eqqiis; eqqidi, “GODAA” yaagidi ba sunttaa awaajjiis.

Kessaabaa 4:31

Etikka ammanidosona. GODAI etau qoppidoogaanne eta tuggaa be7idoogaa siyido wode, eti gufannidi goinnidosona.

Kessaabaa 4:5

GODAI, “Hagee hanidoogee, ne aawatu Xoossai, Abrahaama Xoossai, Yisaaqa Xoossainne Yaaqooba Xoossai neeyyo qonccidoogaa eti ammananaassa” yaagiis.

Isiyaasa 19:1

Gibxxe biittaabaa GODAI hagaadan yaagees; “Be7ite, GODAI eesotiya shaaraa toggidi, Gibxxe yees. Gibxxe eeqati a sinttan kokkorana; Gibxxe asaa wozanaikka eta giddon seerana” yaagees.

Isiyaasa 7:9

Qassi Samaaree Efireema biittau huuphe; Ramaaliyaa na7ai Samaariyaa katamaayyo huuphe; intte ammanuwan minnidi eqqennan xayikko, inttekka eqqekketa” yaagees.

Qoodaabaa 12:5

Kiyin GODAI shaaraa tuussan duge wodhdhiis; wodhdhidi Xoossaa Dunkkaaniyaa penggen eqqidi, Aaroonanne Miiriyaamo xeesiis. Eti naa77aikka a sintti shiiqin,

Maatiyoosa 17:5

I haasayishin, poo7iya shaarai yinne eta gentti aggiis; genttin shaaraappe, “Hagee taani siiqiyo tana ufaissiya ta Na7aa; i giyoogaa siyite” giya qaalai yiis.

Marqqoosa 9:7

Hegaappe guyyiyan, shaarai yiidi eta kammin shaaraappe, “Hagee taani siiqiyo ta Na7aa; i giyoogaa siyite” giya qaalai yiis.

Luqaasa 10:16

“Intte giyoobaa siyiya asi taani giyoobaa siyees; inttena ixxiya urai tana ixxees; tana ixxiya urai tana kiittidaagaakka ixxees” yaagiis.

Zaarettido Wogaa 4:10

Siinaa Deriyaa bollan GODAA intte Xoossaa sinttan intte eqqido wode, GODAI tana, 'Ha sa7an de7ido wode ubban, eti taayyo yayyiyoogaa tamaaranaadaaninne bantta naatakka hegaa tamaarissanaadan, taani ta qaalaa eta sissana mala, asaa taakko shiishsha' giidoogaa hassayite.

Zaarettido Wogaa 4:36

I inttena tamaarissanau koyido gishshau, ba cenggurssaa saluwaappe inttena sissiis. Qassi ha sa7an ba gita tamaa inttena bessiis; he tamaa giddoppe intte a qaalaa siyideta.

Ajjuutaa 1:7

Be7ite, Yesuusi shaaraara yees. Asai ubbai, harai atto, a caddidaageetikka a be7ana; sa7an de7iya asai ubbai appe zilaalana. Hegee tuma. Amin77i.