Kessaabaa 17:7 - Wolaytta Bible

⁷ Israa7eelati, “GODAI nu giddon de7iiyye de7ennee?” yaagidi ooyettido gishshaunne GODAA paaccido gishshau, he sohuwaa Masaahanne Mariiba giidi sunttiis.

Kessaabaa 17:7 ပူးပေါင်းရင်းမြစ်များ

Mazamure Maxaafaa 106:32

Mariiba pulttuwaa matan GODAA hanqqetissidosona; eta gaasuwan Muuse bolli metoi gakkiis.

Mazamure Maxaafaa 78:18

Bantta amottido qumaa oichchiyoogan Xoossaa eriiddi paaccidosona.

Mazamure Maxaafaa 81:7

Intte metuwaa wode tana xeesideta; xeesin inttena ashshaas; taani dadaa giddon geemmidosaappe intteyyo allaas. Mariiba giyo pulttuwaa matan taani inttena paaccaas.

Mazamure Maxaafaa 81:8

Ta asau, taani inttena seeriyoogaa siyite; hai Israa7eelatoo, ezggeerekketii!

Mazamure Maxaafaa 95:8

“Kase intte maizza aawati Mariiba giyo sohuwan hanidoogaadan, he gallassi Maasa Bazzuwan ixxidoogaadan, inttekka zore ekkennan ixxoppite.

Kessaabaa 17:2

Xayin eti Muuseera ooyettidi a, “Nuuyyo uyanau haatta imma” yaagidosona. Yaagin Muusee zaaridi, “Intte tanaara aissi ooyetteetii? GODAA intte aissi paacceetii?” yaagiis.

Kessaabaa 34:9

goinnidi, “Abeet Godau, neeni tanan ufaittidabaa gidikko, nunaara issippe hindda. Hagee asai morgge zozzidabaa gidikkokka, nu iitatettaanne nu nagaraa atto yaagada, nuna ne asa ootta” yaagiis.

Isiyaasa 12:6

Israa7eela Geeshshai intte giddon xoqqu xoqqu giido gishshau, inttenoo, Xiyoonen de7iyaageetoo, hombbocite! Ufaissau yexxite!” yaagana.

Mikiyaasa 3:11

A halaqati mattaayiyan pirddoosona; a qeeseti damoozan tamaarissoosona; qassi a hananabaa yootiyaageetikka miishshaa qanxxin murunnoosona. SHin yaatidikka, “GODAI nu giddon de7ees gidennee? Nu bolli aiba iitabaikka yeenna” yaagidi an ammanettoosona.

Qoodaabaa 14:22

ha asaappe issoinne he biittaa be7enna. Ta bonchchuwaanne Gibxxe biittaaninne bazzuwan taani oottido malaataa ha asati be7idosona; shin eti zaaretti zaarettidi tana paaccidosonanne ta qaalaa siyennan ixxidosona. Hegaa gishshau, taani eta maizza aawatuyyo immana gaada caaqqido biittaa tana karidaageetuppe issoinne mulekka be7enna.

Qoodaabaa 20:13

Israa7eela asai GODAARA ooyettidonne i ba geeshshatettaa eta giddon qonccissidosai ha Mariiba haattaana.

Qoodaabaa 20:24

“Aarooni haiqqidi ba maizzan gaittiyo wodee gakkiis. Mariiba haattaa matan intte naa77aikka ta azazuwaa bolli makkalido gishshau, Israa7eela asaayyo taani immiyo biittaa i gelenna.

Qoodaabaa 27:14

Aissi giikko, Xiina Bazzuwan de7iya haattan asai ubbai makkalido wode, intte naa77aikka eta sinttan tana geeshshadan bonchchanau taayyo azazettibeekketa” yaagiis. Hegee haattai Xiina Bazzuwan, Qaadeesan de7iya Mariiba haattaa.

Yohaannisa 1:14

Qaalai asa gididi, nu giddon de7iis. Nuuni a bonchchuwaa aaro kehatettainne tumatettai kumidoogaa be7ida. Aawaayyo issi Na7aa xalaala gidida i ekkido bonchchoi hagaa.

Zaarettido Wogaa 31:17

Hegee haniyo wode, ta hanqqoi eta bolli eexxi kiyana. Taanikka eta aggaagana; ta som77uwaa etappe wora zaarana. Yaatin, eti xayana; iita metoinne bashshai eta bolli yaana. He wodiyan eti, 'Tumu ha metoi gakkidoi nu Xoossai nu giddon bainnaagaa gishshaassa gidennee?' yaagidi oichchana.

Zaarettido Wogaa 33:8

Muusee Leewa zariyaabaa hagaadan yaagiis; “Ne Tumiimeenne Uriimee ne dosido asassa. Neeni Masaahan paaccido, Mariiba haattan palamettido asassa.

Zaarettido Wogaa 6:16

“Masaahan intte a paaccidoogaadan, GODAA intte Xoossaa paaccoppite.

Zaarettido Wogaa 9:22

“Intte qassikka Tabi7eeran, Masaahaaninne amuwaa duufuwaa geetettiya Qibiroote-Hataawan GODAA hanqqetissideta.

Yaasu Maxaafaa 22:31

Qeesiyaa El77aazara na7ai Piinihaasi Roobeela, Gaadanne Minaase zaretussi, “GODAI nu giddon de7iyoogaa nuuni hachchi erida; aissi giikko, ha yohuwaa intte GODAA bolli makkalanau oottibeekketa. Intte ha77i GODAA qixaatiyaappe Israa7eela asaa ashshideta” yaagiis.