Kessaabaa 16:10 - Wolaytta Bible

¹⁰ Aarooni Israa7eela asaa maabara ubbau haasayissishin, eti bazzuwaakko simmidi xeellidosona; hegan GODAA bonchchoi shaara giddon qoncciyaagaa be7idosona.

Kessaabaa 16:10 ပူးပေါင်းရင်းမြစ်များ

Kessaabaa 16:11

GODAI Muusa, “Taani Israa7eelatu zuuzunttaa siyaas; neeni etayyo, 'Omarssan ashuwaa intte maana; maallado oittaa intte kallana; he wode intte taani GODAA intte Xoossaa gidiyoogaa erana' yaagada yoota” yaagiis.

Kessaabaa 16:7

qassi GODAA bonchchuwaa maallado intte be7ana; aissi giikko, a bolli intte zuuzummidoogaa i siyiis; intte nu bolli zuuzummanau nuuni oonee?” yaagidosona.

Kessaabaa 24:16

Qassi GODAA bonchchoi Siinaa Deriyaa bollan uttiis; he shaarai usuppun gallassaa maayiis; laappuntta gallassan he shaaraa giddoppe GODAI Muusa xeesiis.

Wogaabaa 9:23

Wodhdhin Muuseenne Aarooni Xoossaa Dunkkaaniyaa giddo gelidosona; eti hegaappe kiyido wode, asaa anjjidosona. Yaatin GODAA bonchchoi asa ubbaassi beettiis.

Wogaabaa 9:6

Muusee eta, “GODAA bonchchoi intteyyo qonccana mala, intte oottanaadan GODAI inttena azazidoogee hagaa” yaagiis.

Qoodaabaa 14:10

Yaagin maabarai ubbai eta shuchchan caddanau denddiis. He wode GODAA bonchchoi Xoossaa Dunkkaaniyan Israa7eela asa ubbau qoncciis.

Qoodaabaa 16:19

Eqqidaashin Qoraahi kumetta maabaraa Xoossaa Dunkkaaniyaa penggen shiishshiis. He wode GODAA bonchchoi kumetta maabarau qoncciis.

Qoodaabaa 16:42

Maabarai Muusenne Aaroona bolli denddanau shiiqidi, Xoossaa Dunkkaaniyaakko simmi xeelliyo wode, shaarai Xoossaa Dunkkaaniyaa kammin, GODAA bonchchoi qoncciis.

Maatiyoosa 17:5

I haasayishin, poo7iya shaarai yinne eta gentti aggiis; genttin shaaraappe, “Hagee taani siiqiyo tana ufaissiya ta Na7aa; i giyoogaa siyite” giya qaalai yiis.