Kessaabaa 12:51 - Wolaytta Bible

⁵¹ He gallassikka GODAI Israa7eelata eta citan citan Gibxxe biittaappe kessiis.

Kessaabaa 12:51 ပူးပေါင်းရင်းမြစ်များ

Doomettaabaa 50:24

Hegaappe guyyiyan Yooseefi ba ishantta, “Taani haiqqana hanais; shin Xoossai inttena maaddanau tumu xomoosana; i inttena ha biittaappe kessidi, Abrahaamayyo, Yisaaqayyoonne Yaaqoobayyo immana giidi caaqqido biittaa efaana” yaagiis.

Kawotu Maxaafaa Koiruwaa 6:1

Israa7eela asai Gibxxe biittaappe kiyido oiddu xeetanne hosppun tammantta laittan, Solomoni Israa7eela bolli kawotido oiddantto laittan, Ziifa giyo naa77antto aginan, Solomoni GODAA Beeta Maqidasiyaa keexxanau doommiis.

Hanidabaa Odiya Naa77antto Maxaafaa 14:12

Hegaa gishshau, GODAI Asa sinttaaninne Yihudaa olanchchatu sinttan Toophphiyaa olanchchata shociis; shocin Toophphiyaa olanchchati baqatidosona.

Mazamure Maxaafaa 114:1

Israa7eela asai Gibxxe biittaappe kiyido wode, Yaaqooba keettaa asai allaga qaalan haasayiya asaa yeggidi biido wode,

Mazamure Maxaafaa 136:11

Israa7eela asaa Gibxxeppe kaalettidi kessiis; aggenna a siiqoi merinaagaa.

Kessaabaa 12:41

He oiddu xeetanne hasttamu laittai wuriyo he wurssetta gallassan, GODAA asai ubbai Gibxxe biittaappe kiyiis.

Kessaabaa 12:50

Yaagin Israa7eelati ubbai GODAI Muusanne Aaroona azazidoogaadankka oottidosona.

Kessaabaa 13:1

GODAI Muusa hagaadan yaagiis;

Kessaabaa 16:1

Gibxxeppe kiyido naa77antto aginan, tammanne ichchashantto gallassan Israa7eela asaa maabarai kumettai Eliimappe denddidi, Eliimappenne Siinaappe gidduwan de7iya Siinaa giyo bazzuwaa yiis.

Kessaabaa 19:1

Israa7eela asai Gibxxeppe kiyido heezzantta aginan koiro gallassan Siinaa bazzuwaa gakkidosona.

Kessaabaa 3:8

Hegaa gishshau, taani eta Gibxxe biittaa asatu kushiyaappe ashshanaunne he biittaappe eta kessada, aahonne lo77o biitti ehaanau wodhdhaas. He biittai maattainne eessai goggiyo biitta; he biittan Kanaaneti, Hiiteti, Amooreti, Parzzeti, Hiiwetinne Yaabuusati ha77i de7oosona.

Kessaabaa 6:26

GODAI, “Gibxxe biittaappe Israa7eelata eta citan citan kessite” yaagidoi ha Muusanne ha Aaroona.

Kessaabaa 6:6

“Hegaa gishshau, neeni Israa7eelata, 'Taani GODAA; taani inttena Gibxxetu naaquwaappe kessana; taani inttena eta ailletettaappekka goqa kessana; qassi taani inttena ta gita wolqqaaninne hanttaara pirddan wozana.

Kessaabaa 7:4

i intte yootiyoobaa siyenna. He wode taani ta kushiyaa Gibxxetu bolli denttana; taani ta citaa, ta asaa Israa7eela wolqqaama pirddan Gibxxeppe kessana.

Wogaabaa 23:43

Hegee sinttaara yiya yeletai ubbai Israa7eela asaa taani Gibxxeppe kessido wode, eti daasiyan de7anaadan oottidoogaa eranaassa. Taani GODAA intte Xoossaa' yaaga” yaagiis.

Amoxa 2:10

Taani inttena Gibxxe biittaappe kessada, bazzon oitamu laittaa kaalettaas; qassi Amooretu biittaakka intteyyo laata oottada immaas.

Mikiyaasa 6:4

Taani inttena Gibxxe biittaappe kessaas; qassi inttena ailletettaappe wozaas. Inttena kaalettana mala Muusa, Aaroonanne Miiriyaamo inttessi kiittaas.

Qoodaabaa 23:22

Xoossai eta Gibxxeppe kessiis; i mino menttaadan etau de7ees.

Qoodaabaa 26:4

“GODAI Muusa azazidoogaadan, yelettoosappe laatamu laittanne hegaappe bollaara de7iya asaa qoodite” yaagidosona. Gibxxeppe kiyida Israa7eelati hageeta:

Qoodaabaa 33:1

Israa7eelati Muuseenne Aarooni kaalettin, bantta citan citan Gibxxeppe kiyido wode, yaanidi hemettidosona.

Yesuusi Kiittidoogeetu Oosuwaa 13:17

Ha Israa7eela asaa Xoossai nu aawata dooridi, Gibxxe biittan imattatettan eti de7ishin, eta darissiis; ba gita wolqqankka Gibxxe biittaappe eta kessiis.

Zaarettido Wogaa 16:1

“Abiiba aginan GODAA intte Xoossaa Paasikaa Baalaa bonchchite; aissi giikko, GODAI intte Xoossai inttena Abiiba aginan qammi Gibxxeppe kessiis.

Zaarettido Wogaa 4:37

I hegaa oottidoogee intte aawata siiqidoogaappe denddidaagan, etappe guyyiyan yelettiya eta zareta doorido gishshaassa. Qassi inttenakka Gibxxeppe ba gita wolqqan kessido gishshaassa.

Yaasu Maxaafaa 24:5

“'Guyyeppe Muusanne Aaroona kiittada taani yan oottidoban Gibxxe biittaa asaa boshan shocaas; hegaappe guyyiyan inttena kessaas.

Yihudaa 1:5

SHin intte ha ubbabaa eriyaabaa gidikkokka, Godai Israa7eela asaa Gibxxe biittaappe waati ashshidaakkonne qassi ammanibeennaageeta guyyeppe waati xaissidaakko, taani inttena hassayissanau koyais.